୯୦ ଛୁଇଁଲା କରୋନା ନୂଆ ଷ୍ଟ୍ରେନ ଆକ୍ରାନ୍ତଙ୍କ ସଂଖ୍ୟା
ନୂଆଦିଲ୍ଲୀ, ଭାରତରେ ଚିନ୍ତା ବଢ଼ାଉଛି କରୋନା ନୂଆ ଷ୍ଟ୍ରେନ । ଭାରତରେ ଆକ୍ରାନ୍ତଙ୍କ ସଂଖ୍ୟା ଧୀରେ ଧୀରେ ବଢ଼ିବାରେ ଲାଗିଛି । ତେବେ ଦେଶରେ ମୋଟ କରୋନା ନୂଆ ଷ୍ଟ୍ରେନ ଆକ୍ରାନ୍ତଙ୍କ ସଂଖ୍ୟା ୯୦ ରେ ପହଞ୍ଚିଛି । ଏନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି । ଦେଶର ବିଭିନ୍ନ ଲାବୋରେଟୋରୀରୁ ବ୍ରିଟେନର କରୋନାର ନୂଆ ଷ୍ଟ୍ରେନ ଥିବା ୯୦ ଟି ପଜିଟିଭ ଆକ୍ରାନ୍ତ ଚିହ୍ନଟ ହୋଇଛନ୍ତି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିବାନୁସାରେ, କରୋନାର ନୂଆ ଷ୍ଟ୍ରେନ ଥିବା ସଂକ୍ରମିତଙ୍କୁ ନିଜ ନିଜ ରାଜ୍ୟରେ ଆଇସୋଲେସନରେ ରଖାଯାଇଛି । ସଂକ୍ରମିତଙ୍କ ସମ୍ପର୍କରେ ଆସିଥିବା ଲୋକଙ୍କୁ ଟ୍ରାକ୍ କରାଯାଉଛି ।