ଲିସବନ୍: ପିଫାଇଜର ଟୀକା ନେବାର କିଛି ସମୟ ପରେ ଜଣେ ସ୍ୱାସ୍ଥ୍ୟକର୍ମୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏଭଳି ଏକ ଅଭାବନୀୟ ଘଟଣା ଘଟିଛି ପର୍ତ୍ତୁଗାଲରେ । ସ୍ୱାସ୍ଥ୍ୟକର୍ମୀ ଜଣକ ହେଉଛନ୍ତି ୪୧ ବର୍ଷୀୟ ସୋନିଆ ଆସେଭେଡୋ । ସେ ବିବାହିତା ଏବଂ ତାଙ୍କର ଦୁଇଟି ସନ୍ତାନ ମଧ୍ୟ ଅଛନ୍ତିି । ଟୀକା ନେବା ପରେ କୌଣସି ପାଶ୍ୱପ୍ରତିକ୍ରିୟା ଦେଖା ଯାଇନଥିଲେ ହେଁ ୨୪ ଘଣ୍ଟା ମଧ୍ୟରେ ତାଙ୍କର ମୃତ୍ୟୁ ହୋଇଥିଲା । ତାଙ୍କ ପିତାଙ୍କ କହିବା ଅନୁଯାୟୀ, ସୋନିଆଙ୍କର କୌଣସି ସ୍ୱାସ୍ଥ୍ୟଗତ ସମସ୍ୟା ନଥିଲା ଏବଂ ତାଙ୍କ ପାଖେ କରୋନାର କୌଣସି ଲକ୍ଷଣ ମଧ୍ୟ ନଥିଲା ।
ପର୍ତ୍ତୁଗାଲ୍ ଇନଷ୍ଟିଚ୍ୟୁଟ୍ ଅଫ୍ ଅଙ୍କୋଲୋଜି ପକ୍ଷରୁ କୁହାଯାଇଛି ଯେ, ସୋନିଆଙ୍କୁ ୩୦ ଡିସେମ୍ବରରେ ଏହି ଟିକା ଦିଆଯାଇଥିଲା ଓ ସେ ୧ ଜାନୁଆରୀରେ ହଠାତ୍ ମୃତ୍ୟୁ ବରଣ କରିଥିଲେ । ସୋନିଆ ଟୀକା ନେବା ପରେ ତାଙ୍କ ପାଖରେ କୌଣସି ପାଶ୍ୱପ୍ରତିକ୍ରିୟା ଦେଖିବାକୁ ମିଳିନଥିଲା । ଯଦିଓ ସେ ସୁସ୍ଥ ଥିଲେ କିନ୍ତୁ ଆମେରିକୀୟ କମ୍ପାନୀ ପିଫାଇଜରର କରୋନା ଟୀକା ପାଶ୍ୱପ୍ରତିକ୍ରିୟା ଦେଖାଇଛି । ଏହାର ପାଶ୍ୱପ୍ରତିକ୍ରିୟା ଯୋଗୁଁ ମୃତ୍ୟୁ ହୋଇଥବା କୁହାଯାଇଛି । ଏଯାବତ୍ ଏହି ଟୀକାର ପାର୍ଶ୍ୱ ପ୍ରତିକ୍ରିୟା ୪ ଜଣଙ୍କଠାରେ ଦେଖାଯାଇଥିବା ଜାଣିବାକୁ ମିଳିଛି।