ନୂଆଦିଲ୍ଲୀ(୭.୧୦.୨୨) : ରାଷ୍ଟ୍ରପତି ମୁର୍ମୁଙ୍କ ସଂମ୍ପର୍କରେ ଆପତ୍ତିଜନକ ମନ୍ତବ୍ୟ ଦେବାକୁ ନେଇ କଂଗ୍ରେସ ନେତା ଉଦିତ ରାଜ ଅଡୁଆରେ । ଜାତୀୟ ମହିଳା କମିଶନ ଏଥିଲାଗି ଉଦିତ ରାଜଙ୍କୁ ନୋଟିସ ଜାରି କରିଛନ୍ତି । ଏନେଇ ଜବାବ ରଖିବାକୁ ଉଦିତ ରାଜଙ୍କୁ ଏଥିରେ କୁହାଯାଇଛି। ଗୁଜୁରାଟର ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦେଇଥିବା ଭାଷଣକୁ ନେଇ ଉଦିତ ରାଜ ଟ୍ୱିଟ୍ କରିଥିଲେ । ଚାମଚାଗିରିର ସବୁ ସୀମା ପାର୍ ହୋଇଗଲା ବୋଲି ଦ୍ରୌପଦୀଙ୍କ ଭାଷଣକୁ ନେଇ ଉଦିତ ନିଜ ଟ୍ୱିଟର ହ୍ୟାଣ୍ଡେଲରେ ଲେଖିଥିଲେ । ଏହାପରେ ଉଦିତଙ୍କୁ ବିଜେପି ତୀବ୍ର ସମାଲୋଚନା କରଥିଲା । ଏଥିପାଇଁ ଉଦିତ ଓ କଂଗ୍ରେସ କ୍ଷମା ମାଗୁ ବୋଲି ବିଜେପି ଦାବି କରିଥିଲା। ଚାରିଆଡୁ ସମାଲୋଚନାର ଶିକାର ହେବା ପରେ ଉଦିତ ପୁଣି ଟ୍ୱିଟ୍ କରି ଜବାବ ରଖିଥିଲେ । ଏହା ତାଙ୍କର ବ୍ୟକ୍ତିଗତ ମତ ଥିଲା । ଏଥିରେ କଂଗ୍ରେସ ଦଳର କୌଣସି ସଂପର୍କ ନାହିଁ ବୋଲି ସେ ଲେଖିଥିଲେ । ଏହାସହ ସେ ଆହୁରି ଲେଖିଥିଲେ ଯେ, ଜଣେ ଦଳିତ ଓ ଆଦିବାସୀ ନେତାଙ୍କୁ ତାଙ୍କ ଭଳି ଜଣେ ଦଳିତ ନେତା ହିଁ ପ୍ରଶ୍ନ କରିପାରିବେ । କୌଣସି ଉଚ୍ଚ ଜାତିର ଲୋକ ପ୍ରଶ୍ନ କରିପାରିବେ ନାହିଁ ବୋଲି ସେ ଲେଖିଥିଲେ।
![You are currently viewing କଂଗ୍ରେସ ନେତାଙ୍କୁ ନୋଟିସ](https://ansodia.in/wp-content/uploads/2022/10/hhh.jpg)
କଂଗ୍ରେସ ନେତାଙ୍କୁ ନୋଟିସ
- Post published:October 7, 2022
- Post category:ଦେଶ-ବିଦେଶ
- Reading time:1 mins read
Tags: droupadi murmu