ସୁପ୍ରିମକୋର୍ଟରୁ ସୁଖବୀର ସିଂହ ବାଦଲଙ୍କୁ ମିଳିଲା ଆଶ୍ୱସ୍ତି

ନୂଆଦିଲ୍ଲୀ (28.4.23):ଶିରୋମଣି ଅକାଳୀ ଦଳରେ ଦୁଇଟି ସମ୍ବିଧାନ ମାମଲା । ପଞ୍ଜାବ ହୋସିଆରପୁର ଅଦାଲତରେ ପଡିରହିଥିବା ଏହି ମାମଲାକୁ ନେଇ ସୁଖବୀର ସିଂହ ବାଦଲ. ପ୍ରକାଶ ସିଂହ ବାଦଲ ଏବଂ ଦଲଜୀତ ସିଂହ ଚୀମାଙ୍କ ପକ୍ଷରୁ ସୁପ୍ରିମକୋର୍ଟରେ ମାମଲା ରୁଜୁ ହୋଇଥିଲା । ଆବେଦନ ଉପରେ ସୁପ୍ରିମକୋର୍ଟ ନିଜ ଫଇସଲା ଶୁଣାଇଛନ୍ତି । ଖଣ୍ଡପୀଠ ତଳ ଅଦାଲତର ରାୟକୁ ରଦ୍ଦ କରିଦେଇଛନ୍ତି ।ହୋସିଆରପୁର ଅଦାଲତର ନିର୍ଦ୍ଦେଶକୁ ସର୍ବୋଚ୍ଚ ଅଦାଲତରେ ଚ୍ୟାଲେଞ୍ଜ କରାଯାଇଥିଲା । ମାମଲାର ଶୁଣାଣି କରିଥିଲେ ଜଷ୍ଟିସ ଏମଆର ଶାହ ଏବଂ ଜଷ୍ଟିସ ଟି ରବି କୁମାର । କୋର୍ଟ କହିଛନ୍ତି, ବାଦଲଙ୍କ ବିରୋଧରେ କୌଣସି ମାମଲା ହେଉନାହିଁ । ଏହି କେସ ସିଧାସଳଖ ଭାବେ ଆଇନର ଦୂରୁପଯୋଗ ମାମଲ।। ତେଣୁ ତଳ କୋର୍ଟଙ୍କ ମାମଲା ରଦ୍ଦ କରାଯାଉଛି ।