ଆଜିକାଲିର ଆଧୁନିକ ଦୁନିଆରେ ମିଛ କହିବା ଏବଂ ଠକିବା ଗୋଟିଏ ସାଧାରଣ କଥା ହୋଇଗଲାଣି । ଏପରି କିଛି ଘଟଣା ଦେଖିବାକୁ ମିଳିଛି ତେଲେଙ୍ଗାନାରେ । ତେଲେଙ୍ଗାନା ପୋଲିସ ଏପରି ଏକ ବ୍ୟକ୍ତିକୁ ଗିରଫ କରିଛି ଯିଏକି ନିଜକୁ ସେନାର ମେଜର କହି ବହୁତ ଝିଅଙ୍କୁ ନିଜ ଜାଲରେ ଫସାଇ ବିବାହ କରୁଥିଲା । ସୂଚନା ଯେ, ବ୍ୟକ୍ତି ଜଣକ ଏ ପର୍ଯ୍ୟନ୍ତ ୧୭ ଜଣ ବ୍ୟକ୍ତିଙ୍କୁ ନିଜ ଜାଲରେ ଫସାଇ ତାଙ୍କ ଠାରୁ ୬ କୋଟିରୁ ଅଧିକ ଟଙ୍କା ଠକିଛି ।
ତେଲେଙ୍ଗାନା ପୋଲିସର ରିପୋର୍ଟ ମୁତାବକ ଅଭିଯୁକ୍ତ ଜଣକ ହେଉଛନ୍ତି ମୃଦବଥ ଶ୍ରୀନୁ ନାଇକ । ବ୍ୟକ୍ତି ଜଣକ ଆନ୍ଧ୍ରପ୍ରଦେଶ ପ୍ରକାସମ ଜିଲ୍ଲାର କିଲାମ୍ପଲୀ ଗ୍ରାମର ବାସିନ୍ଦା । ବ୍ୟକ୍ତି ଜଣକ ଏପର୍ଯ୍ୟନ୍ତ ୧୭ ଜଣ ଝିଅଙ୍କ ସହ ବିବାହ କରି ୬.୬୧ କୋଟି ଟଙ୍କା ଠକି ନେଇଛି । ବ୍ୟକ୍ତି ଜଣକ ନିଜକୁ ସେନାର ମେଜର ବୋଲି କହିଥିଲା କିନ୍ତୁ ପ୍ରକୃତରେ ବ୍ୟକ୍ତି ଜଣକ ମାତ୍ର ୯ ଶ୍ରେଣୀ ପର୍ଯ୍ୟନ୍ତ ପଢ଼ିଛି । ବ୍ୟକ୍ତି ବିବାହ ମଧ୍ୟ କରିଛନ୍ତି ଏବଂ ତାଙ୍କର ଏକ ପୁତ୍ର ମଧ୍ୟ ରହିଛି କିନ୍ତୁ ପଇସାର ଲାଳସା ନେଇ ନିଜକୁ ଅବିବାହିତ କହି ଅନ୍ୟ ୧୭ ଜଣକୁ ବିବାହ କରି ଠକିଛି ଅଭିଯୁକ୍ତ ।
