ପଣସକୁ ଲୋକମାନେ ବିଭିନ୍ନ ଉପାୟରେ ରୋଷେଇ କରି ଖାଇଥାନ୍ତି। ପଣସ କଠାକୁ ତରକାରୀ, ବରା ଓ ଏହା ପାଚିଗଲେ ମଧ୍ୟ ଲୋକମାନେ ଏହାକୁ ବିଭିନ୍ନ ପ୍ରକାରର ବ୍ୟଞ୍ଜନ ପ୍ରସ୍ତୁତ କରିଥାନ୍ତି। ଏହା ଯେମିତି ଖାଇବାକୁ ଭଲ ଲାଗିଥାଏ ସେହିପରି ଶରୀର ପାଇଁ ମଧ୍ୟ ବେଶ ହିତକର ହୋଇଥାଏ। ଏଥିରେ ଭିଟାମିନ୍-ଏ, ସି, ଫାଇବର୍ ,କ୍ୟାଲସିୟମ୍, ଆଇରନ୍, ଭିଟାମିନ-ଇ, କାର୍ବୋହାଇଡ୍ରେଟ୍ସ୍, ସେଲେନିୟମ୍ ଓ ପୋଟାସିୟମ୍ ଏଥିରେ ପ୍ରଚୁର ମାତ୍ରାରେ ଅଛି। ତେବେ ଆସନ୍ତୁ ଜାଣିବା ପଣସରେ ଥିବା କଣ କଣ ଔଷଧୀୟ ଗୁଣ ରହିଛି।
ପଣସରେ ଥିବା ଭିଟାମିନ୍ ‘ସି’ ଶରୀରରେ ରୋଗ ପ୍ରତିରୋଧକ ଶକ୍ତି ବଢାଇଥାଏ।
ପଣସରେ ଥିବା କ୍ୟାଲ୍ସିୟମ୍ ଓ ମ୍ୟାଗ୍ନେସିୟମ ହାଡ଼କୁ ମଜଭୂତ କରିଥାଏ।
ପଣସରେ ଥିବା ପୋଟାସିୟମ୍ ରକ୍ତଚାପକୁ ନିୟନ୍ତ୍ରଣରେ ରଖେ ଓ ହୃଦରୋଗ ଜନିତ ସମସ୍ୟାରୁ ମଧ୍ୟ ଦୁରେଇ ରଖିଥାଏ।
ପଣସ ଖାଇବା ଦ୍ୱାରା ଆମ ଚେହେରା ସୌନ୍ଦର୍ଯ୍ୟ ହେବା ସହ କେଶ ମଧ୍ୟ ଘନ ହୋଇଥାଏ।
ଏଥିରେ ଥିବା ଆଇରନ୍ ଏନିମିଆ ଓ ଅଲସର୍ ପରି ରୋଗରୁ ରକ୍ଷା କରିଥାଏ । ଏହା ସହ ପଣସ ରକ୍ତ ସଞ୍ଚାଳନକୁ ନିୟନ୍ତ୍ରିତ ରଖିଥାଏ।
