ସମୁଦ୍ର ମୁହାଣରେ ଖେଳୁ ଖେଳୁ ଭାସିଗଲେ ନାବାଳକ

ପାରାଦ୍ୱୀପ: ପାରାଦ୍ୱୀପ ଭୋସକାଲିସ ପଏଣ୍ଟ ନିକଟରେ ଭାସିଗଲେ ୧୪ ବର୍ଷୀୟ ବାଳକ ସିଦ୍ଧାନ୍ତ । ଜଗତସିଂହପୁର ଜିଲ୍ଲା ଜଙ୍କିଆ ପଞ୍ଚାୟତ ତ୍ରିଲୋଚନପୁର ଗ୍ରାମର ଅଶୋକ ପ୍ରଧାନଙ୍କ ପୁଅ ସିଦ୍ଧାନ୍ତ ତାଙ୍କ ପରିବାର ସହ ବୁଲିବାକୁ ପାରାଦ୍ୱୀପ ଯାଇଥିବା ବେଳେ ଏଭଳି ଅଘଟଣ ଘଟିଛି । ସୂଚନା ଅନୁସାରେ ସିଦ୍ଧାନ୍ତ ସମୁଦ୍ର ମଧ୍ୟରେ ଆଣ୍ଠୁଏ ପାଣିରେ ଖେଳୁଥିଲେ । ହଠାତ୍ ସାମୁଦ୍ରିକ କରେଣ୍ଟ ଯୋଗୁ ସେ ସମୁଦ୍ର ମଧ୍ୟକୁ ଟାଣି ହୋଇଯାଇଥିଲେ । ଖବର ପାଇ ଅଗ୍ନିଶମ ବିଭାଗ ଏବଂ ପୋଲିସ ଅଧିକାରୀଙ୍କ ଦ୍ୱାରା ଖେଜାଖୋଜି କାର୍ଯ୍ୟ ଚାଲିଛି ।