ନଅଟି ଜିଲ୍ଲାରେ ସ୍ଥାପନ ହେବ ସାଇନ୍ସ ପାର୍କ

ଭୁବନେଶ୍ୱର: ନଅଟି ଜିଲ୍ଲାରେ ଓଡିଶା ସରକାର ସାଇନ୍ସ ପାର୍କ ସ୍ଥାପନ କରିବାକୁ ନିଷ୍ପତ୍ତି ନେଇଛନ୍ତି । ବିଜ୍ଞାନ ଏବଂ ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଏହି ସୂଚନା ରାଜ୍ୟସଭାରେ ଘୋଷଣା କରିଛନ୍ତି । ନୂତନ ସାଇନ୍ସ ପାର୍କ ପାଇଁ କେନ୍ଦ୍ରାପଡ଼ା, ଯାଜପୁର, ଖୋର୍ଦ୍ଧା, ଗଜପତି, ରାୟଗଡା, ଅନୁଗୁଳ, ବାଲେଶ୍ୱର, ବୌଧ, ଝାରସୁଗୁଡ଼ା ଇତ୍ୟାଦି ଜିଲ୍ଲାଗୁଡିକ ସ୍ଥିର କରାଯାଇଛି । ମନ୍ତ୍ରୀ ଏହା ମଧ୍ୟ କହିଛନ୍ତି ଯେ, ଏହି ୯ଟି ଜିଲ୍ଲା ବ୍ୟତୀତ କଟକ ଜିଲ୍ଲା ପ୍ରଶାସନ ସାଇନ୍ସ ପାର୍କର ପ୍ରତିଷ୍ଠା ପାଇଁ ୫.୨୦ ଏକର ଜମି ବଣ୍ଟନ କରିଛି । ସାଇନ୍ସ ପାର୍କ ପ୍ରତିଷ୍ଠାର ଉଦ୍ଦେଶ୍ୟ ହେଉଛି ଯେ, ବିଜ୍ଞାନ ଏବଂ ପ୍ରଯୁକ୍ତି ବିଦ୍ୟାକୁ ଲୋକପ୍ରିୟ କରେଇବା ଏବଂ ଛାତ୍ରମାନଙ୍କ ମଧ୍ୟରେ ବୈଜ୍ଞାନିକ ଏବଂ ସୃଜନଶୀଳତା ବୃଦ୍ଧି ପାଇଁ ସ୍କୁଲ ବାହାରେ ଶିକ୍ଷାଗତ କାର୍ଯ୍ୟକଳାପ ଆୟୋଜନ କରିବା ।