ଖୋର୍ଦ୍ଧା, ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବ୍ୟକ୍ତିଙ୍କ ଆତ୍ମହତ୍ୟା ଉଦ୍ୟମ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ । ବ୍ୟକ୍ତିଜଣକ ହେଉଛନ୍ତି ଖୋର୍ଦ୍ଧା ଜିଲ୍ଲା ବୋଲଗଡ ଗ୍ରାମ ସ୍ଥିତ ବାଙ୍କୋଇର । ବ୍ୟକ୍ତି ଜଣକ ଆତ୍ମହତ୍ୟା ଉଦ୍ୟମ କରିଥିଲେ ହେଁ ପୋଲିସଙ୍କ ଉପସ୍ଥିତି କାରଣରୁ ସଫଳ ହୋଇପାରିନଥିଲେ । ସେ ଏଭଳି କରିବା ପଛର କାରଣ ହେଉଛି ସାଇବର ଠକେଇ । ବ୍ୟକ୍ତିି ଜଣକ ବିଦେଶୀ ୱେବସାଇଟରେ ୧୬ ଲକ୍ଷ ୩୨ ହଜାର ଟଙ୍କା ଠକେଇର ଶିକାର ହୋଇଥିଲେ । ଏନେଇ ୧୫ ଦିନ ତଳେ ଖୋର୍ଦ୍ଧା ଜିଲ୍ଲାପାଳଙ୍କୁ ଅଭିଯୋଗ କରିଥିଲେ ମଧ୍ୟ କିନ୍ତୁ ଏ ପର୍ଯ୍ୟନ୍ତ ବ୍ୟକ୍ତି ଜଣଙ୍କୁ କୌଣସି ସହାୟତା ମିଳିନଥିଲା । ତେଣୁ ଅନ୍ୟ କିଛି ରାସ୍ତା ନପାଇ ଶେଷରେ ଆତ୍ମହତ୍ୟା ଉଦ୍ୟମ କରିଥିଲେ ।
![You are currently viewing ସାଇବର ଠକେଇ ଅଭିଯୋଗରେ ଆତ୍ମହତ୍ୟା ଉଦ୍ୟମ](https://ansodia.in/wp-content/uploads/2021/01/2018031326.jpg)
ସାଇବର ଠକେଇ ଅଭିଯୋଗରେ ଆତ୍ମହତ୍ୟା ଉଦ୍ୟମ
- Post published:January 4, 2021
- Post category:ଓଡିଶା
- Reading time:1 mins read