ଭୁବନେଶ୍ୱର, ଓଲିଉଡ଼ ଷ୍ଟାର ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀଙ୍କ ମଧ୍ୟରେ ଲାଗିଥିବା ପାରିବାରିବ ବିବାଦ ଦିଲ୍ଲୀର ପଟିଆଲା କୋର୍ଟରେ ପହଞ୍ଚିଥିଲା । ମାତ୍ର ବର୍ଷା ଏହି ମାମଲାକୁ କଟକର ଫ୍ୟାମିଲି କୋର୍ଟରେ ଶୁଣାଣି କରିବା ପାଇଁ ମାନ୍ୟବର ସୁପ୍ରିମ କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଶୁଣାଣି ପରେ ବର୍ଷାଙ୍କ ଓକିଲ କ୍ରିଷ୍ଣା କୁମାର ସୂଚନା ଦେଇଛନ୍ତି ଯେ, ସୁପ୍ରିମ କୋର୍ଟଙ୍କ ନିର୍ଦ୍ଦେଶ ଅନୁସାରେ ଏହି ବିବାଦର ଶୁଣାଣି ପଟିଆଲା ହାଉସ କୋର୍ଟରେ ହେବ ନାହିଁ । ଏହି ଶୁଣାଣି କଟକ ଫ୍ୟାମିଲି କୋର୍ଟରେ ହେବ । ଏଠାରେ ସୂଚନାଯୋଗ୍ୟ ଯେ, ବର୍ଷାଙ୍କ ସ୍ୱାମୀ ଅନୁଭବ ପାରିବାରିକ ବିବାଦକୁ ନେଇ ଏକ ମାମଲା ପଟିଆଲା ହାଉସ କୋର୍ଟରେ ଦାୟର କରିଥିଲେ ।