କେନ୍ଦୁଝର, କେନ୍ଦୁଝର ସହର ନିକଟବର୍ତ୍ତୀ ନରଣପୁର ହାଇସ୍କୁଲ ପାଖରେ ଦେଖିବାକୁ ମିଳିଛି ଭାଲୁ ଆତଙ୍କ । ଭାଲୁ ଆକ୍ରମଣରେ ୩ ଜଣ ଗୁରୁତର ହୋଇଛନ୍ତି । ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ, ଗତକାଲି ରାତିରେ ଏକ ଭାଲୁ ନରଣପୁର ହାଇସ୍କୁଲ ପରିସରକୁ ପଶି ଆସିଥିଲା। ତେବେ ଅନ୍ଧାରର ହୋଇଥିବାଯୋଗୁଁ ଭାଲୁଟି ଆଉ ଯାଇ ପାରି ନଥିଲା। ତେବେ ଭାଲୁକୁ ସ୍କୁଲ ପରିସରରେ ଦେଖି ଲୋକେ ଘଉଡାଇବା ବେଳେ ଭାଲୁଟି ସେମାନଙ୍କ ଉପରକୁ ଆକ୍ରମଣ କରିଥିଲା । ଏବେ ସେମାନେ ଗୁରୁତର ଅବସ୍ଥାରେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।