ଖୁସିଖବର: ମାଟ୍ରିକ ପରୀକ୍ଷା ଫି’ ଛାଡ କଲେ ରାଜ୍ୟ ସରକାର

ଭୁବନେଶ୍ୱର, କରୋନା କାଳରେ ଲୋକେ ବିଭିନ୍ନ ପ୍ରକାର ଅସୁବିଧାର ସାମ୍ନା କରିଛନ୍ତି । କରୋନା ଯୋଗୁଁ ବହୁ ଲୋକଙ୍କ ଜୀବନ ଜୀବିକା ମଧ୍ୟ ପ୍ରଭାବିତ ହୋଇଛି । ଲୋକମାନଙ୍କ ପରିସ୍ଥିତିକୁ ଦୃଷ୍ଟିରେ ରଖି ମାଟ୍ରିକ ପରୀକ୍ଷା ଫି’ କୁ ଛାଡ କରାଯାଇଛି । ଫି’ଛାଡ କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହା ଦ୍ୱାରା ୬ ଲକ୍ଷରୁ ଅଧିକ ଛାତ୍ରଛାତ୍ରୀ ଉପକୃତ ହେବେ । ଫି ଛାଡ କରିବା ପାଇଁ ୨୭ କୋଟି ଟଙ୍କା ବ୍ୟୟ ଭାର ବହନ କରିବେ ରାଜ୍ୟ ସରକାର । ପ୍ରତି ବର୍ଷ ମାଟ୍ରିକ ପରୀକ୍ଷା ପାଇଁ ୪୨୦ ଟଙ୍କା ଦେୟ ଦେବାକୁ ପଡିଥାଏ । ରାଜ୍ୟ ସରକାରଙ୍କ ଏହି ପଦକ୍ଷେପକୁ ଅଭିଭାବକଙ୍କ ଦ୍ୱାରା ସ୍ୱାଗତଯୋଗ୍ୟ କରାଯାଇଛି । ଫି ଛାଡ କରିବାରୁ ବହୁତ ପରିବାର ଉପକୃତ ହେବେ ବୋଲି ବିଶ୍ୱାସ କରାଯାଉଛି । କୋଭିଡ୍ କଟକଣା ଯୋଗୁଁ ୨୦୨୦-୨୧ ଶିକ୍ଷାବର୍ଷ ବିଶେଷ ଭାବେ ପ୍ରଭାବିତ ହୋଇଛି। ଦୀର୍ଘ ୯ ମାସ ଧରି ସ୍କୁଲ ବନ୍ଦ ରହିବା ପରେ ଜାନୁଆରି ୮ରୁ କୋଭିଡ ନିୟମ ପାଳନ କରି କେବଳ ଦଶମ ଓ ଦ୍ବାଦଶ ଶ୍ରେଣୀକୁ ଖୋଲାଯାଇଛି। ସୂଚନା ଅନୁସାରେ, ତେଣୁ ପରୀକ୍ଷା ଫି’ ଛାଡ଼ କରିବାକୁ ଓଷ୍ଟା ପକ୍ଷରୁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯାଇଥିଲା।