ବାହାର ରାଜ୍ୟରୁ ଓଡିଶାକୁ ଆସିବା ପାଇଁ କଡ଼ାକଡି ହେଲା କଟକଣା

ଭୁବନେଶ୍ୱର, ସାରା ଦେଶରେ କରୋନା ତାର ପ୍ରଭାବ ବିସ୍ତାର କରିବାରେ ଲାଗିଛି । କରୋନାର ସଂକ୍ରମଣ ରୋକିବା ପାଇଁ ବିଭିନ୍ନ ପ୍ରକାର ପଦକ୍ଷେପ ନିଆଯାଉଛି । କରୋନା କଟକଣାକୁ କଡାକଡିଭାବେ ପାଳନ କରିବା ପାଇଁ ନିର୍ଦ୍ଦେଶ ମଧ୍ୟ ଦିଆଯାଉଛି । ତେବେ ରାଜ୍ୟରେ କରୋନା ର ମୁକାବିଲା କରିବା ପାଇଁ ନୂଆ କଟକଣା ଜାରି ହୋଇଛି । ଏଣିକି ଓଡିଶାକୁ ଆସିବାକୁ ହେଲେ ୭୨ ଘଣ୍ଟା ମଧ୍ୟରେ ହୋଇଥିବା RT-PCR ଟେଷ୍ଟ ନେଗେଟିଭ ରିପୋର୍ଟ କିମ୍ବା କୋଭିଡ ଟିକାର ଦ୍ୱିତୀୟ ଡୋଜ ନେଇଥିବା ସାର୍ଟିଫିକେଟ ପ୍ରଦାନ କରିବାକୁ ପଡିବ। ଏଥିରୁ ଯଦି କୌଣସି ରିପୋର୍ଟ ନଥାଏ ତେବେ ୭ ଦିନ ଯାଏଁ କ୍ୱାରେଣ୍ଟାିନରେ ରହିବାକୁ ପଡିବ । ଏହି କଟକଣା ଏପ୍ରିଲ ୧୨ ତାରିଖରୁ ଲାଗୁ ହେବ । ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି ।