ଟ୍ରେନ ଧକ୍କାରେ ଦନ୍ତା ମୃତ

ସମ୍ବଲପୁର, ଟ୍ରେନ ଧକ୍କାରେ ଚାଲିଯାଇଛି ଦନ୍ତାର ଜୀବନ । ଗତକାଲି ରାତିରେ, ସମ୍ବଲପୁରର ହାତୀବାରି ଓ ମାନେଶ୍ୱର ଷ୍ଟେସନ୍ ମଧ୍ୟସ୍ଥ ଭବାନୀପାଲିରେ ପୁରୀ-ସୁରତ ଏକ୍ସପ୍ରେସ ଟ୍ରେନ୍ ଧକ୍କାରେ ଏହି ଦନ୍ତାହାତୀର ମୃତ୍ୟୁ ଘଟିଛି । ଏହି ଘଟଣାରେ ଟ୍ରେନର ୬ଟି ଚକା ଲାଇନଚୁ୍ୟତ ହୋଇଯାଇଛି । କିନ୍ତୁ ସୌଭାଗ୍ୟର କଥା କୌଣସି ଯାତ୍ରୀ ଆହତ ହୋଇନାହାଁନ୍ତି । ସୂଚନା ମୂତାବକ, ପୁରୀରୁ ସୁରତ ଅଭିମୂଖେ ଟ୍ରେନ ଯାଉଥିବାବେଳେ ଏଭଳି ଦୁର୍ଘଟଣା ଘଟିଥିଲା । ଟ୍ରାକ କ୍ଲିଅର ହେବାପରେ ଟ୍ରେନଟି ପୁନର୍ବାର ତାର ଗନ୍ତବ୍ୟ ସ୍ଥଳକୁ ଯାତ୍ରା ଆରମ୍ଭ କରିଥିଲା ।