ଭୁବନେଶ୍ୱର(ଏଏନଏସ)୧୩/୧୦,ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି ନିର୍ବାଚନ ଆୟୋଗ (ଇସି)। ପ୍ରଚାର ସମୟରେ ଉପହାର ଆକାରରେ ରାଜନୈତିକ ଦଳଗୁଡ଼ିକ ଶାଢ଼ି ଓ ସାର୍ଟ ଦେବା ପାଇଁ ମନା କରିଛନ୍ତି ନିର୍ବାଚନ ଆୟୋଗ । ଏହାଛଡ଼ା ନିର୍ବାଚନ ଆୟୋଗ ଆହୁରି ବି କହିଛନ୍ତି ଯେ ରାଜନୈତିକ ପ୍ରଚାର ପାଇଁ କୌଣସି ସରକାରୀ ବା ବେସରକାରୀ ଶିକ୍ଷାନୁଷ୍ଠାନ ପଡ଼ିଆକୁ ବ୍ୟବହାର କରାଯିବ ନାହିଁ । ଏହା ବ୍ୟତୀତ ଯଦି କୌଣସି ସାର୍ବଜନୀନ ସ୍ଥାନକୁ ବିଜ୍ଞାପନ ପ୍ରଦର୍ଶନ କରିବାକୁ ଉପଲବ୍ଧ କରାଯାଏ, ସେହି ସ୍ଥାନକୁ ଯଦି ପୂର୍ବରୁ କୌଣସି ବ୍ୟକ୍ତି କିମ୍ବା ଏଜେନ୍ସିକୁ ଆବଣ୍ଟନ କରାଯାଇଛି ତେବେ ନଗରପାଳିକା କର୍ତ୍ତୃପକ୍ଷଙ୍କ ଜରିଆରେ ଜିଲ୍ଲା ନିର୍ବାଚନ ଅଧିକାରୀ ନିଶ୍ଚିତ କରିବା ଉଚିତ ଯେ ସମସ୍ତ ରାଜନୈତିକ ଦଳକୁ ବିଜ୍ଞାପନ ପ୍ରଦର୍ଶନ ପାଇଁ ସମାନ ସୁଯୋଗ ମିଳିବା ଉଚିତ । ଆୟୋଗ ଆହୁରି ସ୍ପଷ୍ଟ କରି କହିଛନ୍ତି ଯେ ବିଜ୍ଞାପନ ଜରିଆରେ କୌଣସି ପ୍ରକାରର ଉସୁକାଇବା କିମ୍ବା କୌଣସି ସଂପ୍ରଦାୟ ମଧ୍ୟରେ ଅସନ୍ତୋଷ ସୃଷ୍ଟି କରିବା ଆଦୌ ଗ୍ରହଣୀୟ ନୁହେଁ । ପ୍ରଚାର ସମୟରେ କୌଣସି ଦଳ ଦ୍ବାରା ମିଳିଥିବା ଟୋପି, ଫେସ୍ମାସ୍କ, ପନ୍ଧିବାର ଅନୁମତି ରହିଛି। ମାତ୍ର କୌଣସି ରାଜନୈତିକ ଦଳ ଶାଢ଼ି ଓ ସାର୍ଟ ଦେଇପାରିବେ ନାହିଁ। କୌଣସି ବେସରକାରୀ ସ୍ଥାନରେ ଯଦି ସ୍ଥାନୀୟ ଆଇନ୍ କାନ୍ଥରେ ଲେଖିବା, ସ୍ଥାୟୀ ପୋଷ୍ଟର୍ ଲଗାଇବା କିମ୍ବା ସହଜରେ ଛଡ଼ାଇ ହେଉନଥିବା ପରି ବିଜ୍ଞାପନକୁ ଅନୁମତି ପ୍ରଦାନ କରୁନାହିଁ ତ ରାଜନୈତିକ ଦଳଗୁଡ଼ିକ ଜୋର୍ଜବରଦସ୍ତ ଏପରି କାର୍ଯ୍ୟ କରିପାରିବେ ନାହିଁ। ଏଥିପାଇଁ ସଂପତ୍ତିର ମ।ଲିକଙ୍କ ଅନୁମତି ବାଧ୍ୟତ।ମୂଳକ।
![You are currently viewing ନିର୍ବାଚନ ସମୟରେ ବଣ୍ଟାଯାଇ ପାରିବ ନାହିଁ ଶଢୀ ଓ ସାର୍ଟ](https://ansodia.in/wp-content/uploads/2022/10/WhatsApp-Image-2022-10-13-at-8.18.53-PM.jpeg)
ନିର୍ବାଚନ ସମୟରେ ବଣ୍ଟାଯାଇ ପାରିବ ନାହିଁ ଶଢୀ ଓ ସାର୍ଟ
- Post published:October 13, 2022
- Post category:ଓଡିଶା
- Reading time:1 mins read