ନିଆଁ ଲଗାଇ ପୋଡ଼ି ଦେଲେ ମୋବାଇଲ୍ ଟାୱାର

ମାଲକାନଗିରି, ମାଲକାନଗିରି- ଛତିଶଗଡ ସୀମାନ୍ତରେ ପୁଣିଥରେ ଦେଖିବାକୁ ମିଳିଛି ଲାଲ୍ ବାହିନୀର ତାଣ୍ଡବ ଲୀଳା ।ସୁକୁମା ଜିଲ୍ଲା ଅନ୍ତର୍ଗତ ଏରାବୋର ଗାଁରେ ଥିବା ବିଏସଏନଏଲ ମୋବାଇଲ ଟାୱାରକୁ ନିଆଁ ଲଗାଇ ପୋଡ଼ି ଦେଇଛନ୍ତି ଲାଲ୍ ବାହିନୀ । ସୂଚନା ମୁତାବକ, ପ୍ରାୟ ୧୫ଜଣ ସଶସ୍ତ୍ର ନକ୍ସଲ ଏରାବୋର ଗାଁରେ ପହଞ୍ଚି ମୋବାଇଲ ଟାୱାରକୁ ଧ୍ବଂସ କରିବା ସହ ରାଜରାସ୍ତା ଉପରେ ପଥର ଓ ମାଓ ପୋଷ୍ଟର ରଖି ରାସ୍ତା ଅବରୋଧ କରିଥିଲେ । ତେବେ ଆଜି ସକାଳେ ସିଆରପିଏଫ ବାହିନୀ ଘଟଣା ସ୍ଥଳରେ ପହଞ୍ଚି ରାସ୍ତା ଅବରୋଧକୁ ହଟାଇଛନ୍ତି ।