ରାଜ୍ୟରେ ବେଶି କ୍ଷତି କରିନି ବନ୍ୟା: ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି

ଭୁବନେଶ୍ୱର, ରାଜ୍ୟରେ ଲଗୁଚାପ ଜନିତ ବର୍ଷା ଫଳରେ ଅନେକ ଅଞ୍ଚଳ ଜଳରେ ପରିପୂର୍ଣ୍ଣ ହୋଇଯାଇଛି । କିଛି ସ୍ଥାନରେ ବନ୍ୟା ପରିସ୍ଥିତି ମଧ୍ୟ ଉପୁଜିଛି । କିନ୍ତୁ ଏସବୁ ସେତ୍ତ୍ୱବି ରାଜ୍ୟରେ ବିଶେଷ କ୍ଷୟକ୍ଷତି ହୋଇନାହିଁ ବୋଲି କହିଛନ୍ତି ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି । ଯେଉଁ ଅଞ୍ଚଳରେ ଯାହାବି ହୋଇଛି ସେ ନେଇ ଉକ୍ତ ଅଞ୍ଚଳର ଜିଲ୍ଲାପାଳମାନଙ୍କୁ ରିପୋର୍ଟ ମଗାଯାଇଛି । ରିପୋର୍ଟ ଆସିବା ପରେ ଆବଶ୍ୟକ ପଦକ୍ଷେପ ଗ୍ରହଣ କରାଯିବ । ଢ଼େଙ୍କାନାଳ ଓ ମାଲକାନଗିରି ଜିଲ୍ଲାର କେତେକ ଅଞ୍ଚଳ ବିଶେଷ ପ୍ରଭାବିତ ହୋଇଥିବା ମଧ୍ୟ କହିଛନ୍ତି ରାଜସ୍ୱ ମନ୍ତ୍ରୀ । ଆଗକୁ ଆଉ ଏକ ଲଗୁଚାପ ଅନୁଭୂତ ହେବାର ଅଛି । ତେଣୁ ତାକୁ ଦୃଷ୍ଟିରେ ରଖି ସମସ୍ତେ ସଜାଗ ରହିବାକୁ ପରାମର୍ଶ ଦେଇଛନ୍ତି ରାଜସ୍ୱ ମନ୍ତ୍ରୀ ।