କୋଣାର୍କ, କୋଣାର୍କ ପୁରୀ ମେରାଇନ ଡ୍ରାଇଭ ରାସ୍ତା ପାଶ୍ୱର୍ରେ ଥିବା ବାଲୁଖଣ୍ଡ ଅଭୟାରଣ୍ୟରୁ ଝୁଲନ୍ତା ଅବସ୍ଥାରେ ଏକ ମୃତ ଶରୀର ଉଦ୍ଧାର ହୋଇଛି । ଉକ୍ତ ବ୍ୟକ୍ତିଙ୍କ ସାଇକେଲ, ସାଟ୍ ଓ ଗାମୁଛା ନିକଟରୁ ମିଳିଛି । କିନ୍ତୁ ଏ ପର୍ଯ୍ୟନ୍ତ ଶବଟିର କୌଣସି ପରିଚୟ ମିଳିନାହିଁ । ହତ୍ୟା ପରେ ଏଠାରେ ଝୁଲେଇ ଦେଇଥିବା ସନ୍ଦେହ କରୁଛନ୍ତି ସ୍ଥାନୀୟ ବାସିନ୍ଦା । ଖବରପାଇ ଘଟଣାସ୍ଥଳରେ କୋଣାର୍କ ଥାନା ଅଧିକାରୀ ପହଞ୍ଚି ଶବ ଜବତ କରିବା ସହ, ଘଟଣାର ତଦନ୍ତ ଆରମ୍ଭ କରିଦେଇଛନ୍ତି ।