ବିନା କୋଡିଭ ଟେଷ୍ଟରେ ପୁରୀ ଯିବା ମନା

ପୁରୀ(ଅନନ୍ତ ସିଂ), ଦେଶରେ ତଥା ରାଜ୍ୟରେ କରୋନା ଆତଙ୍କ ପୁଣି ଦେଖାଦେଇଛି । ପ୍ରତିଦିନ ଦେଶରୁ ପ୍ରାୟ ପାଖାପାଖି ଲକ୍ଷେ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । କରୋନା ବୃଦ୍ଧି ହେଉଥିବାରୁ ସତର୍କତା ମୂଳକ ପଦକ୍ଷେପ ନେଇଛନ୍ତି ପୁରୀ ଜିଲ୍ଲା ପ୍ରଶାସନ । ଏଣିକି ବିନା କୋଭିଡ ଟେଷ୍ଟରେ ବାହାର ରାଜ୍ୟର ପର୍ଯ୍ୟଟକମାନେ ପୁରୀ ଯାଇପାରିବେ ନାହିଁ । ୧୨ ଟି ବାହାର ରାଜ୍ୟର ପର୍ଯ୍ୟଟଙ୍କ ପାଇଁ ଜାରି ହୋଇଛି କଟକଣା । କଟକଣା ଜାରି କରିଛନ୍ତି ପୁରୀ ଜିଲ୍ଲାପାଳ ସମର୍ଥ ବର୍ମା । ଆଜି ଏନେଇ ହୋଟେଲ ମାଲିକ ସଂଘଙ୍କ ସହ ଜିଲ୍ଲାପାଳଙ୍କ ଏକ ବୈଠକ ବସିଥିଲା । ବିଶେଷ କରି ହୋଟେଲ ଓ ରେସ୍ତୋରାଁ ଉପରେ ଜିଲ୍ଲାପ୍ରଶାସନ ନଜର ରଖିବ । ପୁରୀ ରେଳ ଷ୍ଟେସନରେ ମଧ୍ୟ RT-PCR ଟେଷ୍ଟ ଆରମ୍ଭ ହୋଇଛି । ଟେଷ୍ଟ ପରେ ପୃଥକ ବାସରେ ରହିବେ ପର୍ଯ୍ୟଟକ । ରିପୋର୍ଟ ନେଗେଟିଭ୍ ଆସିବା ପରେ ଯାଇ ବୁଲିବାକୁ ଅନୁମତି ଦିଆଯିବ ।