କଟକ, କଟକ ଜିଲ୍ଲା ଚୌଦ୍ୱାର ଅଞ୍ଚଳରେ ଜଣେ ଯୁବକଙ୍କୁ ହତ୍ୟା କରାଯାଇଛି । ମଦ ବିକ୍ରୀକୁ ବିରୋଧ କରୁଥିବାରୁ ସଙ୍ଗବଦ୍ଧ ଭାବେ ହତ୍ୟା କରିଛନ୍ତି ମଦ ମାଫିଆ ବୋଲି ଅଭିଯୋଗ ଆଣିଛନ୍ତି ପରିବାର ଲୋକ । ଘରୁ ଉଠାଇ ନେଇ କଟୁରୀ କୁରାଢ଼ୀରେ ବିଭତ୍ସ ଭାବେ ଯୁବକଙ୍କୁ ହତ୍ୟା କରାଯାଇଥିବା ଦେଖିବାକୁ ମିଳିଛି । ତେବେ ଖବରପାଇ ଘଟଣାସ୍ଥଳରେ ପୋଲିସ ସାଇଣ୍ଟିଫିକ ଟିମ୍ ସହ ତଦନ୍ତ ଚଳାଇଛି । ମଦ ମାଫିଆ ଏବଂ ଯୁବକଙ୍କ ହତ୍ୟାକାରୀଙ୍କୁ ଉଚିତ ଦଣ୍ଡ ଦେବାକୁ ପରିବାର ଲୋକେ ଦାବି କରିଛନ୍ତି ।
