ଚଳିତବର୍ଷ ହେବନି ମହାପ୍ରଭୁଙ୍କ ନାଗାର୍ଜୁନ ବେଶ

ପୁରୀ- ଚଳିତ ବର୍ଷ ହେବ ନାହିଁ ମହାପ୍ରଭୁଙ୍କ ନାଗାର୍ଜୁନ ବେଶ । ଏନେଇ ଶ୍ରୀମନ୍ଦିର ନୀତି ପ୍ରଶାସକ ଜିତେନ୍ଦ୍ର କୁମାର ସାହୁ ସ୍ପଷ୍ଟ କରିଛନ୍ତି । ଚଳିତ ବର୍ଷ ପାଞ୍ଜି ଅନୁସାରେ ନାଗାର୍ଜୁନ ବେଶ ପଡୁନାହିଁ ତେଣୁ ଚଳିତ ବର୍ଷଭକ୍ତମାନେ ନାଗାର୍ଜୁନ ବେଶ ଦର୍ଶନ କରିବାରୁ ବଞ୍ଚିିତ ରହିବେ । ତେବେ ଗତ ବର୍ଷ ମଧ୍ୟ କରୋନା କଟକଣା କାରଣରୁ ଏହି ଦୁର୍ଲଭ ବେଶ ଦର୍ଶନ କରିବାରୁ ଭକ୍ତମାନେ ବଞ୍ଚିତ ରହିଥିଲେ । ଚଳିତ ବର୍ଷ ନାଗାର୍ଜୁନ ବେଶ ହେବ ଏନେଇ କେତେକ ପାଞ୍ଜିରେ ଭୁଲ ତଥ୍ୟ ଦେଇଛି । ଏହାପରେ ଶ୍ରୀମନ୍ଦିର ନୀତି ପ୍ରଶାସକଙ୍କ ପକ୍ଷରୁ ସ୍ୱତନ୍ତ୍ର ବୈଠକ ଡକାଯାଇ ଶ୍ରୀମନ୍ଦିର ପାଞ୍ଜି ଗଣନା କରାଯାଇଥିଲା । ଗଣନା ପରେ ଚଳିତ ବର୍ଷ ମହାପ୍ରଭୁଙ୍କ ନାଗାର୍ଜୁନ ବେଶ ହେବ ନାହିଁ ବୋଲି ସ୍ପଷ୍ଟ ହୋଇଛି । ଏହି ଭୁଲ ତଥ୍ୟ ଦେଇଥିବା ପାଞ୍ଜିକାରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ମୁକ୍ତି ମଣ୍ଡପର ସଦସ୍ୟ ମାନେ କହିଛନ୍ତି ।