କଟକ, ନକଲି ତେଲ, ଘିଅ, ହଳଦି ଗୁଣ୍ଡ, ଟମାଟୋ ସସ୍ ,ସୋୟା ବଡି ,ବିଭିନ୍ନ ପ୍ରକାରର ଭେଜାଲ ମସଲା ଦ୍ରବ୍ୟ ପରେ ପୁଣି ଭେଜାଲ ପନିର ଘଟଣା ସାମ୍ନାକୁ ଆସିଥିଲା । ତେବେ ଏହି ମାମଲାରେ ଜଣକୁ ଗିରଫ କରିଛି ଚାଉଲିଆଗଞ୍ଜ ପୋଲିସ । ସେହି ବ୍ୟକ୍ତି ଜଣଙ୍କ ନାମ ହେଉଛି ଶୁକଦେବ ସାହୁ । ଏହି ମାମଲାରେ ସାମିଲ ଥିବା ଅନ୍ୟ କିଛି ବ୍ୟକ୍ତିଙ୍କୁ ଚିହ୍ନଟ କରିଛି ପୋଲିସ । ପ୍ରତିଦିନ କଲିକତାରୁ ବସ୍ ଯୋଗେ ୧୦ରୁ ୧୨ କ୍ବିଣ୍ଟାଲ ପନିର କଟକକୁ ଆସୁଥିଲା ଏବଂ ଏହାକୁ କିଲୋ ପ୍ରତି ୬୦ଟଙ୍କାରେ କିଣି ୨୨୦ଟଙ୍କାରେ ବିକ୍ରି କରାଯାଉଥିଲା । ୟୁରିଆ ସାର, ସଲଫୁରିକ୍ ଏସିଡ୍, ଗ୍ଲିସୋରିନ୍, ମଇଦା ଓ ନଷ୍ଟ ହୋଇଥିବା କ୍ଷୀରରୁ ପ୍ରସ୍ତୁତ ହେଉଥିଲା ପନିର୍ ।