ପରୀ ହତ୍ୟା ଘଟଣାରେ ଜଣଙ୍କୁ ଗିରଫ

ଭୁବନେଶ୍ୱର, ଚର୍ଚ୍ଚିତ ନୟାଗଡ଼ ପରୀ ହତ୍ୟା ଘଟଣାରେ ଜଣଙ୍କୁ ଗିରଫ କରିଛି ଏସଆଇଟି । କିନ୍ତୁ ତାଙ୍କ ବିରୋଧରେ ପ୍ରମାଣ ଦେଖାଇବା ନିମନ୍ତେ ୨୪ତାରିଖ ପର୍ଯ୍ୟନ୍ତ ସମୟ ମାଗିଛି ଏସଆଇଟି । ଗିରଫ ବ୍ୟକ୍ତି ଜଣଙ୍କ ନୟାଗଡ଼ ଜିଲ୍ଲା ଯଦୁପୁର ଅଞ୍ଚଳର ବୋଲି ସୂଚନା ମିଳିଛି । ଆଜି ଯଦୁପୁର ସ୍ଥିତ ଅଭିଯୁକ୍ତଙ୍କ ଘରେ ଏସଆଇଟି ପହଞ୍ଚି ତଦନ୍ତ କରୁଥିବା ଜାଣିବାକୁ ମିଳିଛି । ସୂଚନା ଥାଉକି, ଗତ ଜୁଲାଇ ୧୪ ତାରିଖରେ ନୟାଗଡ଼ ଜିଲ୍ଲା ଯଦୁପୁର ଗାଁର କୁନି ଝିଅ ପରୀ ନିଖୋଜ ହୋଇଥିଲା। ଏହାପରେ ଜୁଲାଇ ୨୩ ରେ ପରୀର ମୃତଦେହ ଘର ପଛପଟୁ ଉଦ୍ଧାର ହୋଇଥିଲା।