ନୟାଗଡ, ଜିଲ୍ଲାରେ ଦେଖିବାକୁ ମିଳିଛି ଏକ ଆଶ୍ଚର୍ଯ୍ୟ କର ଘଟଣା। ପେଟ୍ରୋଲ ପମ୍ପରୁ ତେଲ ବାହାରିବା ବଦଳରେ ପାଣି ବାହାରୁଥିବା ଅଭିଯୋଗ ଆଣିଛନ୍ତି ସ୍ଥାନୀୟ ବାସିନ୍ଦା। ସୂଚନା ଅନୁସାରେ, ଜଣେ ବ୍ୟକ୍ତି ସେହି ପେଟ୍ରୋଲ ପମ୍ପରେ ତେଲ ପକାଇଥିଲେ। କିନ୍ତୁ ତାଙ୍କ ଗାଡ଼ିଟି ଷ୍ଟାର୍ଟ ନହେବାରୁ, ସେ ସନ୍ଦେହ ପ୍ରକାଶ କରି ଟାଙ୍କି ଖୋଲି ଦେଖିଥିଲେ ଯେ, ସେଥିରେ ପାଣି ଥିଲା। ପରେ ସେଠାରେ ଉତ୍ତେଜନା ଲାଗି ରହିଥିଲା। ଶରଣକୁଳ ପୋଲିସ ଘଟଣାସ୍ଥଳରେ ପହଂଚି ପେଟ୍ରୋଲ ପମ୍ପକୁ ବନ୍ଦ କରିଦେଇଛନ୍ତି। ତେବେ ଅନ୍ୟ ପକ୍ଷରେ ପେଟ୍ରୋଲ ପମ୍ପ କର୍ତ୍ତୃପକ୍ଷଙ୍କ ଠାରୁ କୌଣସି ପ୍ରତିକ୍ରିୟା ମିଳିନାହିଁ।