ପିପିଲି ବିଧାନସଭା ନିର୍ବାଚନ ପାଇଁ ଅବଗଣନା ଆରମ୍ଭ
ଭୁବନେଶ୍ୱର, ବିଜେଡ଼ି ବିଧାୟକ ସ୍ୱର୍ଗତ ପ୍ରଦୀପ ମହାରଥୀଙ୍କ ମୃତ୍ୟୁ ପରେ ରାଜ୍ୟରେ ତିନୋଟି ଯାକ ରାଜନୈତିକ ଦଳ ପକ୍ଷରୁ ଏହି ବିଧାନସଭା କ୍ଷେତ୍ରକୁ ନିଜ ଅକ୍ତିଆରକୁ ଆଣିବା ପାଇଁ ଅଙ୍କ କଷା ଆରମ୍ଭ ହୋଇଛି । ଏଯାବତ୍ ନିର୍ବାଚନ ତାରିଖ ବିଧିବଧ ଭାବେ ଘୋଷଣା କରାଯାଇ ନଥିବାବେଳେ, ରାଜ୍ୟର ନିର୍ବାଚନ ଅଧିକାରୀଙ୍କ ତରଫରୁ ନିର୍ବାଚନ ପାଇଁ ଆପାତତଃ ପ୍ରସ୍ତୁତି ଚାଲିଥିବା ଜଣାପଡ଼ିଛି । ୧୧୦ ପିପିଲି ବିଧାନସଭା କ୍ଷେତ୍ରରେ ସମୁଦାୟ ବୁଥ୍ ସଂଖ୍ୟା ୨୭୩ଥିବାବେଳେ, କୋଭିଡ଼୍ ଗାଇଡ଼ଲାଇନକୁ ଦୃଷ୍ଟିରେ ରଖି ବୁଥ୍ ପ୍ରସ୍ତୁତି ହେଉଥିବାର ଜଣାପଡ଼ିଛି । ଏହି ନିର୍ବାଚନ ମଣ୍ଡଳୀରେ ସମୁଦାୟ ୨୨୯୯୦୩ ଭୋଟର ଥିବାବେଳେ ତନ୍ମଧ୍ୟରୁ ୧୧୯୦୨୦ ପୁରୁଷ ଭୋଟର ଓ ୧୧୦୫୬୧ ମହିଳା ଭୋଟର ଅଛନ୍ତି । ସର୍ଭିସ ଭୋଟରଙ୍କ ସଂଖ୍ୟା ୩୨୦ଥିବା ଜଣାପଡ଼ିଛି ।