ଭୁବନେଶ୍ୱର, ମାର୍ଚ୍ଚ ମାସ ୨୧ ଓ ୨୨ ତାରିଖରେ ଦୁଇ ଦିନିଆ ଓଡିଶା ଗସ୍ତରେ ଆସିବେ ମହାମହିମ ରାଷ୍ଟ୍ରପତି । ବାୟୁସେନାର ଏକ ସ୍ୱତନ୍ତ୍ର ବିମାନ ଯୋଗେ ରାଷ୍ଟ୍ରପତି ରାମନାଥ କୋବିନ୍ଦ ବିଜୁ ପଟ୍ଟନାୟକ ଆର୍ନ୍ତାଜାତୀୟ ବିମାନବନ୍ଦରଠାରେ ଅବତରଣ କରିବେ । ତାଙ୍କ ଗସ୍ତ କାର୍ଯ୍ୟକ୍ରମ ଚୂଡାନ୍ତ ହୋଇନଥିବା ବେଳେ ମିଳିଥିବା ସୂଚନା ମୁତାବକ ରାଉରକେଲାର ‘ନିଟ୍‌’ର ସମାବର୍ତ୍ତନ ଉତ୍ସବରେ ଯୋଗ ଦେବାର କାର୍ଯ୍ୟକ୍ରମର ସମ୍ଭାବନା ରହିଛି । ଏତଦବ୍ୟତୀତ କୋଣାର୍କର ସୂର୍ଯ୍ୟ ମନ୍ଦିର ମଧ୍ୟ ପରିଦର୍ଶନ କରିପାରନ୍ତି ମହାମହିମ ରାଷ୍ଟ୍ରପତି । ଯଦି ଏହି କାର୍ଯ୍ୟକ୍ରମରେ କୌଣସି ପରିବର୍ତ୍ତନ ନହୁଏ ତେବେ ରାଷ୍ଟ୍ରପତି ହେବା ପରେ ତାଙ୍କର ଏହା ହେବ ପ୍ରଥମ କୋଣାର୍କ ମନ୍ଦିର ପରିଦର୍ଶନ । ଓଡିଶାରେ ରହଣୀ ସମୟରେ ରାଷ୍ଟ୍ରପତିଙ୍କର ରାଜଭବନରେ ରାତ୍ରିଯାପନ କରିବେ ବୋଲି ଜଣାପଡିଛି । ରାଷ୍ଟ୍ରପତିଙ୍କ ଗସ୍ତକୁ ନେଇ ଚଳଚଞ୍ଚଳ ହୋଇପହିଛି ରାଜ୍ୟ ପ୍ରଶାସନ ।