ଭଡ଼ାରେ ଯାଇ ପାରିବନି ଅଣପରିବହନ ଗାଡ଼ି
ଭୁବନେଶ୍ୱର, ସରକାରୀ ଓ ଘରୋଇ ସଂସ୍ଥାକୁ ପରିବହନ କମିସନରଙ୍କ କଡ଼ା ନିର୍ଦେଶ । ଘରୋଇ ଅଣପରିବହନ ଗାଡ଼ିକୁ ଭଡ଼ାରେ ନ ନେବାକୁ ନିର୍ଦେଶ । କେବଳ ହଳଦିଆ ନମ୍ବର ପ୍ଲେଟ୍ ଥିବା ଗାଡ଼ିକୁ ଭଡ଼ାରେ ନେବାକୁ ନିର୍ଦେଶ । ପରିବହନ ବିଭାଗର ନିର୍ଦ୍ଦେଶନାମା ଅନୁସାରେ, କେବଳ ଯାତ୍ରୀ ପରିବହନ ପାଇଁ ପଞ୍ଜୀକୃତ ହୋଇଥିବା ଗାଡ଼ି ହିଁ ଭଡ଼ାରେ ଲାଗି ପାରିବ । ଗାଡ଼ିର ସବୁ କାଗଜପତ୍ର ଠିକ୍ ଥିବା ଦରକାର । ନିୟମ ଭଙ୍ଗ ହେଲେ ସଂପୃକ୍ତ ଗାଡ଼ି ଓ ମାଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ସହ ମାଲିକଙ୍କ ନାଁରେ ଇ-ଚାଲାଣ କରାଯିବ ବୋଲି ସୂଚନା ଦେଇଛି ରାଜ୍ୟ ପରିବହନ ବିଭାଗ ।