ବ୍ରହ୍ମପୁର(କୃଷ୍ଣଚନ୍ଦ୍ର ପାଲ), ସୂଚନା ଅଧିକାର ନିୟମ ଅନୁସାରେ ଭାରତର ସମସ୍ତ ନାଗରିକ ସୂଚନା ପାଇବାକୁ ହକଦାର ଥିବାବେଳେ ଏହି ନିୟମଟି ଗଞ୍ଜାମ ଜିଲ୍ଲା ପାଇଁ ଲାଗୁ ହେଉନାହିଁ । ଅନେକ ଯାଗାରେ ଜନସୂଚନା ଅଧିକାରୀମାନେ ଆବେଦନକାରୀଙ୍କୁ ଠିକଣା ସମୟରେ ତଥ୍ୟ ଦେଉନାହାନ୍ତି, କିମ୍ବା ତଥ୍ୟ ଦେବାରେ ଅହେତୁକ ବିଳମ୍ବ କରୁଛନ୍ତି । ଏଥିପାଇଁ ଆବେଦନକାରୀମାନେ ସୂଚନା କମିଶନରଙ୍କ ନିକଟରେ ଆବେଦନ କରିବା ଫଳରେ ସୂଚନା ପାଇବା ପାଇଁ ବର୍ଷ ବର୍ଷ ଅପେକ୍ଷା କରିବାକୁ ପଡୁଛି । ମିଳିଥିବା ସୂଚନା ଅନୁସାରେ ୧୦.୩.୨୦୨୦ରେ କୃଷ୍ଣଚନ୍ଦ୍ର ପାଲ ନାମକ ଜନୈକ ସୂଚନା ଅଧିକାର କର୍ମୀ ଓୟୁଟିକୁ କିଛି ସୂଚନା ମାଗିଥିଲେ । ୩୦ ଦିନ ମଧ୍ୟରେ ସୂଚନା ନମିଳିବାରୁ ୨୨.୬.୨୦୨୦ରେ ପ୍ରଥମ ଅପିଲେଟ କର୍ତ୍ତୁପକ୍ଷଙ୍କୁ ଅପିଲ କରିଥିଲେ । ଜନସୂଚନା ଅଧିକାରୀ ସୂଚନା ଦେବା ନିମନ୍ତେ ୫୦୦ ଟଙ୍କା ଜମା ଦେବାକୁ ନିର୍ଦ୍ଦେଶ ଦେଇଥିଲେ । ଯଦ୍ୱାରା କି ଶ୍ରୀ ପାଲ ୫୦୦ ଟଙ୍କା ଦାଖଲ କରିଥିଲେ । ମାତ୍ର ଏଯାବତ୍ କୌଣସି ସୂଚନା ଦେଇନାହାନ୍ତି ସଂପୃକ୍ତ ସୂଚନା ଅଧିକାରୀ । ଏହା ବିରୋଧରେ ଦ୍ୱିତୀୟ ଅପିଲ କରାଯାଇଥିବା ମଧ୍ୟ ଜଣାଯାଇଛିା ଏଠାରେ ପ୍ରଶ୍ନ ଉଠେ ସାରା ଭାରତରେ ସୂଚନା ଅଧିକାର ଆଇନ କାର୍ଯ୍ୟକାରୀ ହେଉଥିବାବେଳେ ଗଞ୍ଜାମ ଜିଳ୍ଲା ଏଥିରୁ ବାଦ୍ ପଡୁଛି କିପରି ? ରାଜ୍ୟ ସୂଚନା କମିଶନର ଏଥିପ୍ରତି ଧ୍ୟାନ ଦେବାକୁ ନିବେଦନ କରଛନ୍ତି ସଂପୃକ୍ତ ସୂଚନା ଅଧିକାର କର୍ମୀ ।
![You are currently viewing କାର୍ଯ୍ୟକାରୀ ହେଉନାହିଁ ଆଇନ; ମିଳୁନି ସୂଚନା](https://ansodia.in/wp-content/uploads/2021/04/752e7122-07f5-457e-85ca-d36f9f1fee26.jpg)
କାର୍ଯ୍ୟକାରୀ ହେଉନାହିଁ ଆଇନ; ମିଳୁନି ସୂଚନା
- Post published:April 5, 2021
- Post category:ଓଡିଶା
- Reading time:1 mins read