ବଲାଙ୍ଗୀର, ବଲାଙ୍ଗୀର ଉପଜିଲ୍ଲାପାଳ ସଞ୍ଜୟ କୁମାର ମିଶ୍ରଙ୍କ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି ଜଣେ ମହିଳା କର୍ମଚାରୀ । ତା’ସହିତ ନ୍ୟାୟ ନମିଳିଲେ ନିଜ ଛୋଟ ଦୁଇ ଝିଅଙ୍କ ସହ ଆତ୍ମହତ୍ୟା କରିବାର ଧମକ ବି ଦେଇଛନ୍ତି । ଉପଜିଲ୍ଲାପାଳ ମହିଳାଙ୍କୁ ଯୌନ ନିର୍ଯ୍ୟାତନା ଦେଉଥିବା ଅଭିଯୋଗ କରିଛନ୍ତି ମହିଳା । ଖବରପାଇ ଜିଲ୍ଲାପାଳ ଘଟଣାର ତଦନ୍ତ ଆରମ୍ଭ କରିଦେଇଛନ୍ତି । ଅନ୍ୟତ୍ର ମହିଳାଙ୍କ ଅନୁରୋଧ କ୍ରମେ ଜିଲ୍ଲାପାଳ ତାଙ୍କୁ ବଲାଙ୍ଗୀର ସଦର ମହକୁମା ସ୍ଥିତ ଉପଜିଲ୍ଲାପାଳଙ୍କ କାର୍ଯ୍ୟାଳୟରୁ ଅନ୍ୟତ୍ର ବଦଳି କରିଦେଇଛନ୍ତି । ତେବେ ଘଟଣାର ସତ୍ୟାସତ୍ୟ ଏପର୍ଯ୍ୟନ୍ତ କିଛି ସଠିକ୍ ଭାବରେ ଜଣାପଡ଼ିନାହିଁ ।