ଭୁବନେଶ୍ୱର, ଜଙ୍ଗଲରେ ନିଆଁ ଲାଗିବା ଏବେ ସବୁଠାରୁ ବଡ ଚିନ୍ତା ହୋଇଛି । କିଛି ଦିନ ହେବ ଶିମିଳିପାଳ ଅଭୟାରଣ୍ୟରେ ନିଆଁ ଲାଗିଥିଲା ଏବଂ ଆଉ ଏବେ କୁଳଡିହା ଜଙ୍ଗଲରେ ନିଆଁ ଲାଗିଛି । ଏହା ଦ୍ୱାରା ଜୈବ ବିବଧତା ନଷ୍ଟ ହେଉଛି । ତେବେ ଏହି ନିଆଁ ନିୟନ୍ତ୍ରଣ କରିବାକୁ ଟାସ୍କଫୋର୍ସ ଗଠନ କରିଛନ୍ତି ରାଜ୍ୟ ସରକାର। ପୂର୍ବତନ ପିସିସିଏଫ ସନ୍ଦୀପ ତ୍ରିପାଠୀଙ୍କ ଅଧ୍ୟକ୍ଷତାରେ ଟାସ୍କଫୋର୍ସ ଗଠନ ହୋଇଛି। ଏହି ଟାସ୍କଫୋର୍ସରେ ମୋଟ ୯ ଜଣ ସଦସ୍ୟ ଅଛନ୍ତି। ୯ ଜଣିଆ ଟାସ୍କଫୋର୍ସରେ ଡେରାଡୁନ ଓ ହାଇଦ୍ରାବାଦର ୩ ବିଶେଷଜ୍ଞ ରହିଛନ୍ତି।