ଭୁବନେଶ୍ୱର, ଚର୍ଚ୍ଚିତ ପରୀ ହତ୍ୟା ମାମଲାର ତଦନ୍ତ ଆରମ୍ଭ କରିଦେଇଛି କ୍ରାଇମବ୍ରାଞ୍ଚ । ଆଡିସନାଲ ଏସ୍‌ପିଙ୍କ ନେତୃତ୍ୱରେ ଟିମ୍ ଆଜି ନୟାଗଡ଼ ସଦରଥାନାରେ ପହଞ୍ଚିଥିଲେ । ସେଠାରେ ଥାନା ଅଧିକାରୀଙ୍କ ସହ ଆଲୋଚନା କରିଛନ୍ତି । ଏହାପରେ ପରୀର ମାମୁଘରକୁ ଯାଇ ସେଠାରେ ପରୀ ମା ବାପାଙ୍କ ସହ ଆଲୋଚନା କରିଛି କ୍ରାଇମବ୍ରାଞ୍ଚ । ସୂଚନାଥାଉକି, ୪ ମାସ ତଳେ ୫ବର୍ଷର ଶିଶୁକନ୍ୟା ପରୀକୁ ହତ୍ୟା କରାଯାଇଥିଲା । ଏତେ ଦିନ ବିତିଯାଇଥିଲେ ମଧ୍ୟ ଏପର୍ଯ୍ୟନ୍ତ ଦଣ୍ଡ ପାଇନି ପରୀର ହତ୍ୟାକାରୀ । ଏଘଟଣାକୁ ନେଇ ପରୀର ବାପା ମା ବିଧାନସଭା ସମ୍ମୁଖରେ ଦେହରେ ପେଟ୍ରୋଲ ଢ଼ାଳି ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । କିନ୍ତୁ ସେଠାରେ ଉପସ୍ଥିତ ଥିବା ସୁରକ୍ଷାକର୍ମୀଙ୍କ ପ୍ରଚେଷ୍ଟାରେ ସେମାନଙ୍କୁ ଉଦ୍ଧାର କରାଯାଇଥିଲା ।