ଭୁବନେଶ୍ୱର, ଭୁବନେଶ୍ୱରର ଏକ ଘରୋଇ ହସ୍ପିଟାଲ୍ ଆଗରେ ଦରମା ଦାବିରେ ନର୍ସିଂ ଷ୍ଟାଫ୍ମାନେ ଧାରଣା ଦେଇଛନ୍ତି । କରୋନା ଭଳି ଜରୁରୀ ପରିସ୍ଥିତିରେ ସମସ୍ତେ ନିଷ୍ଠାର ସହ କାମ କରୁଥିବା ବେଳେ ସେମାନଙ୍କୁ ହସ୍ପିଟାଲ୍ କର୍ତ୍ତୃପକ୍ଷ ଦରମା ଦେଉନଥିବା ଅଭିଯୋଗ ହୋଇଛି । କାମ କଲେ କର ନ ହେଲେ ବାହାରିଯାଓ ବୋଲି ମ୍ୟାନେଜ୍ମେଣ୍ଟ ଧମକ ଦେଉଛି । ସେପ୍ଟେମ୍ବର ୧୪ରୁ ଡିସେମ୍ବର ୧୪ ଯାଏ ୬୦ ଜଣ ନର୍ସିଂ ଷ୍ଟାଫ୍ଙ୍କୁ ଠିକା କର୍ମଚାରୀ ଭାବେ ନିଯୁକ୍ତି ଦିଆଯାଇଥିଲା । ଆଜି ପର୍ଯ୍ୟନ୍ତ ତାଙ୍କୁ ୧୫ ଦିନର ଦରମା ଦିଆଯାଇଛି । ବାକି ଦରମା ମିଳିନାହିଁ । ତେବେ ଦରମା ନ ମିଳିବା ଯାଏ ଧାରଣା ପ୍ରତ୍ୟାହୃତ ହେବ ନାହିଁ ବୋଲି ବିକ୍ଷୋଭକାରୀମାନେ ଚେତାବନୀ ଦେଇଛନ୍ତି ।
