ଟ୍ରକ ମାଲିକର ଆତ୍ମହତ୍ୟା

ତେଲକୋଇ (୭.୧୦.୨୨) : ଅସହ୍ୟ ହେଲା ଋଣ ଭାର । ଅତ୍ୟଧିକ ସୁଦ୍ଧହାର ସୁଝି ନହେବାରୁ ଶେଷରେ ଆତ୍ମ ହତ୍ୟା କରିଛନ୍ତି ଟ୍ରକ ମାଲିକ । ଏହି ଘଟଣା ଘଟିଛି କେଉଁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ଛାମୁଣ୍ଡା ଗାଁରେ । ମୃତ ବ୍ୟକ୍ତି ଜଣଙ୍କ ହେଉଛନ୍ତି ଛାମୁଣ୍ଡା ଗାଁର ମକୁନ୍ଦ ମହାକୁଡ । ମୁକୁନ୍ଦ ଏକ ଟ୍ରକ କିଣି ଚଲାଉଥିଲେ । କିନ୍ତୁ ମାସେ ହେବ ମାଇନ୍ସ ଚାଲୁ ନଥିବାରୁ ତାଙ୍କ ଟ୍ରକ ବନ୍ଦ ହୋଇ ପଡିଥିଲା । ଯାହା ଫଳରେ କୌଣସି ରୋଜଗାର ହୋଇପାରୁ ନଥିଲା । ଯାହା ଫଳରେ ମକୁନ୍ଦ ମାନସିକ ଚାପରେ ରହୁଥିଲେ । ସେ ଟ୍ରକକୁ ଋଣରେ ଆଣି କିଣିଥିଲେ । ତେବେ ସଂସ୍ଥା ତାଙ୍କୁ ବାରମ୍ବାର କିସ୍ତି ମାଗୁଥିଲେ । ଏହା ପରେ ସେ ନିଜର ଜାଗା ବାଡି ବିକି କିଛି ଋଣ ସୁଝି ଥିଲେ । କିନ୍ତୁ ସଂସ୍ଥା ପୁଣି ତାଙ୍କୁ ତାଗିଦ କରିଥିଲା । ଯାହା ଫଳରେ ସେ ରଶି ଲଗାଇ ଆତ୍ମହତ୍ୟା କରିଥିଲେ । ଆଜି ସକାଳେ ତାଙ୍କ ମୃତ ଦେହ ଉଦ୍ଧାର କରାଯାଇଛି ।