ଆଜିଠାରୁ 4 ଦିନିଆ ଟିକା ଉତ୍ସବ

ନୂଆଦିଲ୍ଲୀ, ଦେଶବ୍ୟାପୀ 4 ଦିନିଆ ଟିକା ଉତ୍ସବ ଆଜିଠାରୁ ଆରମ୍ଭ ହୋଇଛି । କରୋନା ମହାମାରୀର ମୁକାବିଲା କରିବା ପାଇଁ ଏହି ଟିକା ଉତ୍ସବ ପାଳନ ହେଉଛି । ବିଶ୍ବର ସର୍ବବୃହତ କୋଭିଡ ଟିକାକରଣ ଅଭିଯାନ ‘ଟିକା ଉତ୍ସବ’ ପାଳନ ପାଇଁ ଆହ୍ବାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆସନ୍ତା 14 ତାରିଖ ଯାଏ ଏହି ଉତ୍ସବ ହେବ । ଯୋଗ୍ୟ ବିବେଚିତ ଲୋକମାନଙ୍କୁ ଅଧିକରୁ ଅଧିକଭାବେ ଟିକାକରଣରେ ସାମିଲ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁତ୍ବ ଦେଇଛନ୍ତି । ସୂଚନା ଅନୁସାରେ, ବିଶ୍ବରେ ପ୍ରଥମେ ୧୦ କୋଟି ଟିକାଦାନ ଲକ୍ଷ୍ୟ ହାସଲ କରିଛି ଭାରତ। ଦେଶରେ ୮୫ ଦିନରେ ଦିଆଗଲାଣି ୧୦ କୋଟିରୁ ଅଧିକ ଡୋଜ ଟିକା ।