ସବୁଠି ପରିବା ଦର ଆକାଶ ଛୁଆଁ

ଭୁବନେଶ୍ୱର, ରାଜ୍ୟରେ ପରିବାର ଦର ଏବେ ଆକାଶ ଛୁଆଁ । ପ୍ରାୟ ସବୁ ପରିବା କିଲୋ ପିଛା ମୂଲ୍ୟ ୪୦ କିମ୍ବା ୫୦ରୁ ଅଧିକ ଟଙ୍କା ଦେଖିବାକୁ ମିଳୁଛି । ଲୋକମାନେ ଏବେ ପନି ପରିବା ଖାଇବା ବଦଳରେ ଆମିଷ କିଣି ଖାଇବାକୁ ପସନ୍ଦ କରୁଛନ୍ତି । କିଲୋ ଦରିଆରେ ପରିବା କିଣୁଥିବା ଗ୍ରାହକ ଏବେ ପାଏ କିମ୍ବା ଅଧକିଲୋଗ୍ରାମ କିଣୁଛନ୍ତି । ପରିବାର ଦାମ୍ ଏତେ ହୋଇଥିବାରୁ ଜଣେ ସାଧାରଣ ଗ୍ରାହକ ପାଇଁ ପରିବା କିଣିବା କଷ୍ଟକର ହୋଇପଡ଼ୁଛି । ରାଜ୍ୟରେ ଲଘୁଚାପ କାରଣରୁ ସବୁ ଆଡ଼େ ପାଣି ପଶିଯାଇଥିଲା । ତେଣୁ ସମସ୍ତ ଚାଷ ନଷ୍ଟ ହେବାଫଳରେ ଏଭଳି ପରିବାର ଦର ଆକାଶ ଛୁଆଁ ହୋଇଛି ବୋଲି ସାଧାରଣରେ ଚର୍ଚ୍ଚା ହେଉଛି ।