ଜମାପଟା କରାଇଦେବା କହି ଲାଞ୍ଚ ନେବା ପଡ଼ିଲା ମହଙ୍ଗା

ବଲାଙ୍ଗୀର, ଜମାପଟା କରିଦେବା କହି ଲାଞ୍ଚ ନେଉଥିବାବେଳେ, ଭିଜିଲାନ୍ସ ହାତରେ ଧରାପଡ଼ିଲେ କିରାଣୀ ଅସିତ କୁମାର ଯୋଶୀ । ସୂଚନାଥାଉକି, ବଲାଙ୍ଗୀର ଜିଲ୍ଲା ମୁରିବାହାଲ ତହସିଲ କାର୍ଯ୍ୟାଳୟର ବରିଷ୍ଠ କିରାଣୀ ଜମାପଟା କରାଇ ଦେବା ନାରେ ୨୮ଶହ ଟଙ୍କା ଲାଞ୍ଚ ମାଗିଥିଲେ । ଏ ସମ୍ପର୍କରେ ଅଭିଯୋଗକାରୀ ଭିଜିଲାନ୍ସକୁ ଜଣାଇବାପରେ, ଯୋଜନା ମୂତାବକ ଲାଞ୍ଚ ନେଉଥିବାବେଳେ, କିରାଣୀ ଜଣଙ୍କ ଭିଜିଲାନ୍ସ ହାତରେ ଧରା ପଡ଼ିଥିଲେ । କିରାଣୀଙ୍କ ନାରେ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଛି ।