ବରଗଡ଼, ଭିଜିଲାନ୍ସ ଜାଲରେ ବରଗଡ଼ ଜିଲ୍ଲାର ଭଟଲି  ବ୍ଲକର ପିଇଓ ଉମେଶ ସେଠ । ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କ ବାସଭବନରେ ଭିଜିଲାନ୍ସ ଚଢ଼ାଉ କରିଛି । ପିଇଓଙ୍କର ବରଗଡ଼ କେଶବ ନଗର ଓ ଆମ୍ବାଭୋନା ଲାଉନସରା ବାସଭବନରେ ଚଢ଼ାଉ କରାଯାଇଛି । ଉମେଶ କାର୍ଯ୍ୟ କରୁଥିବା ୨ଟି ପଞ୍ଚାୟତ କାର୍ଯ୍ୟାଳରେ ମଧ୍ୟ ଚଢ଼ାଉ କରାଯାଇଥିଲା । ଚଢ଼ାଉ ସମୟରେ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଭିଜିଲାନ୍ସ ଟିମକୁ ମିଳିଥିବା ସୂଚନା ରହିଛି । ସୂଚନାଯୋଗ୍ୟ ଯେ, ଭଟଲି ବ୍ଲକର ୨ଟି ପଞ୍ଚାୟତର ନିର୍ବାହୀ ଅଧିକାରୀ ରହିଛନ୍ତି ଉମେଶ ସେଠ ।