ଭୁବନେଶ୍ୱର, ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ପୁଣି ଆଉ ତିନି ଜଣ ସରକାରୀ କର୍ମଚାରୀଙ୍କ ଘରେ ଭିଜିଲାନ୍ସ ଚଢାଉ କରିଛି । ବଲାଙ୍ଗୀର କେନ୍ଦ୍ର ସମବାୟ ବ୍ୟାଙ୍କ ଆକାଉଣ୍ଟ ମ୍ୟାନେଜର ସୁଧୀର ନନ୍ଦଙ୍କ କାର୍ଯ୍ୟାଳୟ ସମେତ ଅନ୍ୟ 4ଟି ସ୍ଥାନରେ ଏକକାଳୀନ ରେଡ କରିଛି ଭିଜିଲାନ୍ସର ଚାରୋଟି ଟିମ୍ । ତେବେ ସୂଚନା ଅନୁସାରେ ମ୍ୟାନେଜରଙ୍କ ଘରୁ କିଛି ନଗଦ ଟଙ୍କା ଏବଂ କିଛି ସୁନା ଗହଣା ମିଳିବା ସହ ତାଙ୍କ ସମ୍ପତ୍ତିର ଆକଳନ କରାଯାଉଛି ।
ସେହିପରି ଅନୁଗୁଳ ଜିଲ୍ଲାର ‘ଆର୍ ଡବ୍ଲୁ ଏସ୍ ଏସ୍’ର କନିଷ୍ଠ କିରାଣିଙ୍କ ବାସ ଭବନ ସମେତ ଅନ୍ୟ 7 ଟି ସ୍ଥାନରେ ଚଢାଉ ଜାରି ରଖିଛି ଭିଜିଲାନ୍ସ ।
ସେହିଭଳି ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ଗଞ୍ଜାମ ଜିଲ୍ଲା ଅନ୍ତର୍ଗତ ଚିକିଟି କଲେଜର ପ୍ରାଣୀ ବିଜ୍ଞାନ ବିଭାଗର ଡେମୋନଷ୍ଟ୍ରେଟର କୈଳାସ ଚନ୍ଦ୍ର ମହାନ୍ତିଙ୍କ ଘର ସମେତ ଅନ୍ୟ 6 ଟି ସ୍ଥାନରେ ଭିଜିଲାନ୍ସ ଚଢାଉ କରିଛି ।