ଆସନ୍ତା ୨୧ ପରେ କିଭଳି ରହିବ ଶ୍ରୀମନ୍ଦିର ଦର୍ଶନ ବ୍ୟବସ୍ଥା ?

ପୁରୀ, ରାଜ୍ୟରେ କରୋନା ସଂକ୍ରମଣ କମିବା ପରେ ଧିରେ ଧିରେ ରାଜ୍ୟରେ ବିଭିନ୍ନ ଧର୍ମାନୁଷ୍ଠାନ ଗୁଡିକୁ ଖୋଲାଯାଉଛି । କୋଭିଡ ଗାଇଡଲାଇନ ଭିତରେ ଖୋଲାଯାଉଛି ରାଜ୍ୟର ସମସ୍ତ ମନ୍ଦିର । ସୂଚନା ଥାଉକି, ଦୀର୍ଘ ୯ମାସର ବ୍ୟବଧାନ ପରେ ଡିସେମ୍ବର ୨୩ ତାରିଖରେ ପୁରୀ ଶ୍ରୀମନ୍ଦିର ଖୋଲାଯାଇଥିଲା । ପ୍ରଥମ ପର୍ଯ୍ୟାୟରେ ସେବାୟତ ଏବଂ ତାଙ୍କ ପରିବାରକୁ ଦର୍ଶନର ଅନୁମତି ମିଳିଥିଲା ଓ ପରେ ପୁରୀ ଜିଲ୍ଲା ବାସୀଙ୍କୁ ମନ୍ଦିରରେ ପ୍ରବେଶ ପାଇଁ ଅନୁମତି ଦିଆଯାଇଥିଲା । ପୁରୀ ଜିଲ୍ଲା ସହିତ ବାହାର ଜିଲ୍ଲାର ଜନସାଧାରଣଙ୍କୁ ମନ୍ଦିର ଭିତରେ ପ୍ରବେଶ ପାଇଁ ଅନୁମତି ମିଳିଥିଲା । କିନ୍ତୁ କୋଭିଡ ସଂକ୍ରମଣକୁ ଆଖି ଆଗରେ ରଖି ମନ୍ଦିରକୁ ପ୍ରବେଶ ପାଇଁ କୋଭିଡ ନେଗେଟିଭ ରିପୋର୍ଟକୁ ବାଧ୍ୟତାମୂଳକ କରାଯାଇଥିଲା । ଏହି ନିଷ୍ପତ୍ତି ପାଇଁ ବହୁ ଶ୍ରଦ୍ଧାଳୁ ମନ୍ଦିର ପାଖକୁ ଆସି ମଧ୍ୟ ଦର୍ଶନ ନକରି ଫେରିଯାଇଥିଲେ । ଏହି ସବୁ କାରଣ ପାଇଁ ଏକ ବୈଠକ ଅନୁଷ୍ଠିତ ହୋଇଥିଲା । ଯେଉଁଥିରେ ନିଷ୍ପତ୍ତି ହୋଇଥିଲା କୋଭିଡ ନେଗେଟିଭ ରିପୋର୍ଟ ନଥିଲେ ମଧ୍ୟ ମନ୍ଦିର ଭିତରକୁ ପ୍ରବେଶ କରିପାରିବେ ସାଧାରଣ ଭକ୍ତ ।
ସୂଚନା ଅନୁସାରେ, ୨୧ ରୁ ଭିଡ ହେବାର ସମ୍ଭାବନାକୁ ନେଇ ଏବଂ ଦର୍ଶନ ବ୍ୟବସ୍ଥା କିପରି ହେବ ଏହାକୁ ନେଇ ପୁରୀ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଶ୍ରୀମନ୍ଦିର  କାର୍ଯ୍ୟାଳୟରେ  ଏକ ବୈଠକ ବସିଛି । ତେବେ ଭକ୍ତମାନେ କିଭଳି ଶୃଙ୍ଖଳିତ ଭାବେ ଦର୍ଶନ କରିପାରିବେ ସେ ବିଷୟରେ ବୈଠକରେ ସବିଶେଷ ଆଲୋଚନା କରାଯାଉଛି ।