ଆଇପିଏଲ ୨୦୨୦ର ୪୬ ମ୍ୟାଚରେ କିଙ୍ଗସ୍ ଏକ୍ସଆଇ ପଞ୍ଜାବ ୮ ୱିକେଟ ଓ ୭ ବଲରେ କୋଲକାତା ନାଇଟ ରାଇଡରକୁ ପରାସ୍ତ କରି ବିଜୟ ହାସଲ କରିଛି । ମ୍ୟାଚରେ ପଞ୍ଜାବ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । କୋଲକାତା ନାଇଟ ରାଇଡର ପ୍ରଥମେ ବ୍ୟାଟିଂ କରି ୨୦ଓଭର ସ ୯ ୱିକେଟ ବ୍ୟୟରେ ୧୪୯ ରନ କରିଥିବା ବେଳେ କିଙ୍ଗସ ଏକ୍ସଆଇ ପଞ୍ଜାବ ୧୮.୫ ଓଭର ଓ ୨ଓି୍ୱକେଟ ବ୍ୟୟରେ ୧୫୦ ରନ କରି ବିଜୟ ଲାଭ କରିଛି । ମ୍ୟାଚରେ କୋଲକାତା ନାଇଟ ରାଇଡର ଖେଳାଳୀଙ୍କ ମଧ୍ୟରୁ ଶୁଭମ ଗିଲ ୫୭(୪୫) ରନ, ଇଅନ ମୋର୍ଗାନ ୪୦ (୨୫) ରନ ଓ କିଙ୍ଗସ ଏକ୍ସଆଇ ପଞ୍ଜାବ ଖେଳାଳୀଙ୍କ ମଧ୍ୟରୁ ମନଦିପ ସିଂ ୬୬(୫୬) ରନ, କ୍ରିସ ଗେଲ୍ ୫୧(୨୯) ରନ କରିଛନ୍ତି । କ୍ରିସ ଗେଲ ୫୧(୨୯) ରନ କରି ପ୍ଲେୟାର ଅଫ ଦ ମ୍ୟାଚ ହୋଇଛନ୍ତି । ମ୍ୟାଚରେ ଲଗାତାର ଭଲ ପ୍ରଦର୍ଶନ କରି ପଞ୍ଜାବ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ରହିଥିବା ବେଳେ କେକେଆର ପଞ୍ଚମ ସ୍ଥାନରେ ରହିଛି ।