ନୂଆଦିଲ୍ଲୀ, ଅଷ୍ଟ୍ରେଲିଆ ଗସ୍ତରେ ଯାଇଥିବା ଟିମ ଇଣ୍ଡିଆରେ ଗୋଟିକ ପରେ ଗୋଟିଏ ଖେଳାଳୀଙ୍କ ଆହତ ହେବାର ଖବର ସାମ୍ନାକୁ ଆସୁଛି । ପ୍ରଥମେ ଶାମୀ ପରେ ଉମେଶ, ରାହୁଲ, ଜାଡେଜା ଆଉ ଏବେ ଯଶପ୍ରୀତ ବୁମରା । ଭାରତର ଫାଷ୍ଟ ବୋଲର ଯଶପ୍ରୀତ ବୁମରାଙ୍କ ମାଂସପେଶୀରେ ଆଘାତ ଲାଗିଥିବା ଯୋଗୁଁ ସେ ଏବେ ଟେଷ୍ଟରୁ ବାଦ ପଡିଛନ୍ତି । ଦଳର ପ୍ରମୁଖ ଦ୍ରୁତ ବୋଲର ବାଦ ପଡ଼ିବା ଦଳ ପାଇଁ ଚିନ୍ତାର କାରଣ ହୋଇଛି । ଏହା ଦଳର ପ୍ରଦର୍ଶନ ଉପରେ ପ୍ରଭାବ ପକାଇପାରେ । ସିଡନୀରେ ଟେଷ୍ଟ ମ୍ୟାଚ ଡ୍ର ହେବା ପରେ ଚତୁର୍ଥ ମ୍ୟାଚ ଭାରତ ପାଇଁ ବହୁତ ଗୁରୁତ୍ୱପୂର୍ଣ୍ଣ ହୋଇଯାଇଛି । ଅଧିନାୟକ ବିରାଟ କୋହଲି ଦଳରେ ଅନୁପସ୍ଥିତ ଥିବାବେଳେ ଦଳରେ ଜଣଙ୍କ ପରେ ଜଣେ ଆତ ହେଉଛନ୍ତି । ଯାହା ଭାରତୀୟ ଦଳ ପାଇଁ ଚିନ୍ତାର ବିଷୟ ।