You are currently viewing ଟି୨୦ ଲିଗ- ଓଡିଶା ପାନ୍ଥର୍ସ ଚାମ୍ପିୟନ

ଟି୨୦ ଲିଗ- ଓଡିଶା ପାନ୍ଥର୍ସ ଚାମ୍ପିୟନ

କଟକ, କଟକ ବାରବାଟୀ ଷ୍ଟାଡିୟମରେ ଅନୁଷ୍ଠିତ ହୋଇଥିବା ଏମଜିଏମ ଟିଟ୍ୱେଣ୍ଟି ଲିଗରେ ଓଡିଶା ପାନ୍ଥର୍ସ ଚାମ୍ପିୟନ ହୋଇଛି । ଫାଇନାଲରେ ପାନ୍ଥର୍ସ ୬ ୱିକେଟରେ ଓଡିଶା ଲାୟନ୍ସକୁ ପରାସ୍ତ କରିଛି । ଟସ୍ ଜିତି ପ୍ରଥମେ ବ୍ୟାଟି˚ କରିଥିବା ଲାୟନ୍ସ ୯ ୱିକେଟ ବିନିମୟରେ ୧୧୩ ରନ୍ କରିଥିଲା । ମ୍ୟାଚ ଆରମ୍ଭରୁ ଦଳ ୩୬ ରନ୍ ମଧ୍ୟରେ ୪ ୱିକେଟ୍ ହରାଇଥିଲା । କିନ୍ତୁ ପରେ ଶେଷ ଓଭରରେ ପାନ୍ଥର୍ସ ୧୧୪ ରନର ଲକ୍ଷ୍ୟକୁ ପିଛା କରି ଜିତିପାରିଛି । ଉଦ୍ୟାପନୀ ଉତ୍ସବରେ ଆନ୍ତର୍ଜାତିକ କ୍ରିକେଟର୍ ପ୍ରଜ୍ଞାନ ଓଝା ଓ କ୍ରୀଡ଼ାମନ୍ତ୍ରୀ ତୁଷାରକାନ୍ତି ବେହେରା ଅତିଥି ଭାବେ ଯୋଗଦେଇ ପୁରସ୍କାର ପ୍ରଦାନ କରିଥିଲେ। ଫାଇନାଲରେ ଶ୍ରେଷ୍ଠ ଖେଳାଳି ଭାବେ ଶୁଭମ୍ ନାୟକଙ୍କୁ ଟ୍ରଫି ସହ ୫ ହଜାର ଏବଂ ପ୍ରତିଯୋଗିତାର ଶ୍ରେଷ୍ଠ ଖେଳାଳି ଭାବେ ଆଲୋକ ସାହୁଙ୍କୁ ଟ୍ରଫି ସହ ୨୦ ହଜାର ଟଙ୍କା ପ୍ରଦାନ କରାଯାଇଥିଲା । ଅନ୍ୟପକ୍ଷରେ ବିଜେତା ପାନ୍ଥର୍ସକୁ ଟ୍ରଫି ସହ ପ୍ରତ୍ୟେକ ଖେଳାଳିଙ୍କୁ ୨ ହଜାର ଟଙ୍କା ଲେଖାଏଁ ଗିଫ୍ଟ ଭାଉଚର ପ୍ରଦାନ କରାଯାଇଥିବା ବେଳେ ଉପବିଜେତା ଦଳର ଖେଳାଳିଙ୍କୁ ୧ ହଜାର ଟଙ୍କା ଲେଖାଏଁର ଗିଫ୍ଟ ଭାଉଚର ପ୍ରଦାନ କରାଯାଇଥିଲା।

ଅନ୍ୟମାନଙ୍କୁ ଜଣାନ୍ତୁ।