ସନରାଇଜର୍ସକୁ ହରାଇଲା ରାଜସ୍ଥାନ ରୟାଲସ

ଆଇପିଏଲ ୨୦୨୦ର ୨୬ ତମ ମ୍ୟାଚରେ ରାଜସ୍ଥାନ ରୟାଲସ ୫ ୱିକେଟ ଏବଂ ୧ ବଲରେ ସନରାଇଜର୍ସ ହାଇଦ୍ରାବାଦକୁ ହରାଇ ବିଜୟ ହାସଲ କରିଛି । ମ୍ୟାଚରେ ସନରାଇଜର୍ସ ଟସ ଜିତି ବ୍ୟାଟିଂ କରିବା ପାଇଁ ନିଷ୍ପତି ନେଇଥିଲା । ସନରାଇଜର୍ସ ସମୁଦାୟ ୧୫୮ରନ ୨୦ଓଭରରେ ବନେଇଥିବାବେଳେ ରାଜସ୍ଥାନ ରୟାଲସ ୧୬୩ ରନ ୧୯.୫ ଓଭରରେ ବନେଇଥିଲା । ମ୍ୟାଚରେ ସନରାଇଜର୍ସ ହାଇଦ୍ରାବାଦ ଖେଳାଳୀଙ୍କ ମଧ୍ୟରୁ ମନୀଷ ପାଣ୍ଡେ ୫୪(୪୪) , ଡେଭିଡ ୱାର୍ନର ୪୮(୩୮)ଏବଂ ରାଜସ୍ଥାନ ରୟାଲସ ଖେଳାଳୀଙ୍କ ମଧ୍ୟରୁ ରାହୁଲ ତିୱତିୟା ୪୫(୨୮), ରିୟାନ ପରାଗ ୪୨(୨୬) ସର୍ବାଧିକ ରନ କରିଥିଲେ । ଏହି ମ୍ୟାଚର ଶେଷ ସୁଦ୍ଧା ସନରାଇଜର୍ସ ହାଇଦ୍ରାବାଦ ପଏଣ୍ଟ ଟେବୁଲର ପଞ୍ଚମ ସ୍ଥାନରେଥିବା ବେଳେ ରାଜସ୍ଥାନ ରୟାଲସ ଷଷ୍ଠ ସ୍ଥାନରେ ରହିଛି ।