ଅଷ୍ଟ୍ରେଲିଆ ବିପକ୍ଷ ଟେଷ୍ଟ ପାଇଁ ଘୋଷଣା ହେଲା ଚୂଡାନ୍ତ ଏକାଦଶ

ନୂଆଦିଲ୍ଲୀ, ଆସନ୍ତାକାଲି ଭାରତ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ତୃତୀୟ ଟେଷ୍ଟ ମ୍ୟାଚ ପାଇଁ ଆଜି ୧୧ ଜଣିଆ ଭାରତୀୟ ଦଳ ଘୋଷଣା ହୋଇଛି । ବିସିସିଆଇ ପକ୍ଷରୁ ଚୂଡ଼ାନ୍ତ ଏକାଦଶ ଦଳ ଘୋଷଣା କରାଯାଇଛି । ୧୧ ଜଣିଆ ଦଳରେ ରୋହିତ ଶର୍ମା ଓ ନବଦୀପ ସାଇନିଙ୍କ ନାମ ରହିଛି । ତେବେ ଟେଷ୍ଟରେ ଡେବ୍ୟୁ କରିବେ ନବଦୀପ ସାଇନି । ମୟଙ୍କ ଅଗ୍ରୱାଲଙ୍କ ସ୍ଥାନରେ ଖେଳିବେ ରୋହିତ ଶର୍ମା । ତେବେ ଅଭ୍ୟାସ ସମୟରେ ଆହତ ହେବା ଯୋଗୁଁ ଦଳରୁ ବାଦ ପଡିଛନ୍ତି କେ ଏଲ ରାହୁଲ ।
୧୧ ଜଣିଆ ଦଳ- ଆଜିଙ୍କ୍ୟ ରାହାଣେ, ରୋହିତ ଶର୍ମା, ଶୁଭମ ଗିଲ୍, ଚେତେଶ୍ବର ପୂଜାରା, ହନୁମା ବିହାରୀ, ଋଷଭ ପନ୍ଥ, ରବୀନ୍ଦ୍ର ଜାଡେଜା ରବିଚନ୍ଦ୍ରନ ଅଶ୍ବିନ, ଜଶପ୍ରୀତ ବୁମ୍ରା, ମହମ୍ମଦ ସିରାଜ, ନବଦୀପ ସାଇନିଶୁବମାନ ଗିଲଙ୍କ ସହ ରୋହିତ ଶର୍ମା ଓପନର୍ ଭାବେ ପଡ଼ିଆକୁ ଓଲ୍ହାଇବେ । ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜର ଦୁଇଟି ମ୍ୟାଚରେ ଖରାପ ପ୍ରଦାନ କରିଥିବା ମୟଙ୍କ ଅଗ୍ରୱାଲଙ୍କୁ ଦଳରୁ ବାଦ୍ ଦିଆଯାଇଛି ।