ନୂଆଦିଲ୍ଲୀ, ଖବ୍‌ଶୀଘ୍ର ନାମିଦାମୀ କମ୍ପାନୀ ଆପଲ୍‌ ଶୁଭାରମ୍ଭ କରିବାକୁ ଯାଉଛି ବ୍ୟାଟେରୀ ଚାଳିତ କାର୍‌ । ଆଗରୁ ଏହି କମ୍ପାନୀ ଆଇଫୋନ, ୱାଚ୍‌, ଲାପ୍‌ଟପ୍‌ ଇତ୍ୟାଦି ସାମଗ୍ରୀ ଉତ୍ପାଦନ କରୁଥିବାବେଳେ,ଏବେ ବ୍ୟାଟେରୀ ଚାଳିତ କାର୍‌ ଉତ୍ପାଦନ ନିମନ୍ତେ ପ୍ରୟାସ ଆରମ୍ଭ କରିସାରିଛି । ଆପଲ୍ କମ୍ପାନୀର ଆଡଭାନ୍ସ ବ୍ୟାଟେରୀ ଟେକ୍ନୋଲୋଜୀରୁ ଏକ ପାସେଞ୍ଜର କାର ହେବ। ଜାତୀୟ ଗଣମାଧ୍ୟମକୁ ମିଳିଥିବା ସୂଚନା ଅନୁସାରେ ୬ ବର୍ଷ ପୂର୍ବରୁ ଆପଲ୍ କମ୍ପାନୀ ୨୦୧୪ରେ ପ୍ରୋଜେକ୍ଟ ଟାଇଟନ ନାମରେ ଅଟୋ ସେକ୍ଟରରେ ପ୍ରବେଶ କରିବା ଲକ୍ଷ୍ୟରେ କାମ ଆରମ୍ଭ କରିଥିଲା। ଏପର୍ଯ୍ୟନ୍ତ କମ୍ପାନୀ କାରର ଡିଜାଇନ ନେଇ କାମ କରୁଥିଲା। ଏବେ କମ୍ପାନୀ କାରର ସଫ୍ଟେଓ୍ଵରକୁ ତିଆରି କରିବାରେ ଲାଗିଛି।