‘ଇଣ୍ଟରନ୍ୟାସନାଲ ଫିଲ୍ମ ଫେସଟିଭାଲ ଅଫ ଇଣ୍ଡିଆ ୨୦୨୦’ରେ ପ୍ରଦର୍ଶିତ ହେବ ୩ ଓଡିଆ ଫିଲ୍ମ
ଭୁବନେଶ୍ୱର, ‘ଇଣ୍ଟରନ୍ୟାସନାଲ ଫିଲ୍ମ ଫେସଟିଭାଲ ଅଫ ଇଣ୍ଡିଆ ୨୦୨୦’ରେ ୩ ଓଡିଆ ଫିଲ୍ମକୁ ପ୍ରଦର୍ଶିତ କରାଯିବ । ଏହି ଫିଲ୍ମଗୁଡିକୁ ୨୦୨୦ ଫିଲ୍ମ ଫେଷ୍ଟିଭାଲ ଗୋଆର ୫୧ ତମ ସଂସ୍କରଣରେ ପ୍ରଦର୍ଶିତ କରାଯିବ । ୨୦୨୦ରେ ମୃତ୍ୟୁବରଣ କରିଥିବା ଦୁଇ ଖ୍ୟାତନାମା ଅଭିନେତା ବିଜୟ ମହାନ୍ତି ଓ ଅଜିତ୍ ଦାସ ଏବଂ ୮ ଥର ଜାତୀୟ ପୁରସ୍କାର ପ୍ରାପ୍ତ ଫିଲ୍ମ ନିର୍ମାତା ମନମୋହନ ମହାପ୍ରତ୍ରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବ ଆଇଏଫଏଫଆଇ । ବିଜୟ ମହାନ୍ତି ଓ ଅଜିତ୍ ଦାସଙ୍କ ଅଭିନୀତ ଫିଲ୍ମ ଏବଂ ମନମୋହନଙ୍କ ନିର୍ଦ୍ଦେଶିତ ଫିଲ୍ମକୁ ପ୍ରଦର୍ଶିତ କରାଯାଇ ସମ୍ମାନ ପ୍ରଦାନ କରାଯିବ । ନିର୍ମାତା ମନମୋହନଙ୍କ ଶେଷ ନିର୍ଦ୍ଦେଶିତ ଚଳଚ୍ଚିତ୍ର ‘ଭିଜା ମାଟିର ସ୍ୱର୍ଗ’, ବିଜୟ ମହାନ୍ତିଙ୍କ ଫିଲ୍ମ ‘ଚିଲିକା ତୀରେ’ ଏବଂ ଅଜିତ ଦାସଙ୍କ ଚଳଚ୍ଚିତ୍ର ‘ତାରା’କୁ ‘ଇଣ୍ଟରନ୍ୟାସନାଲ ଫିଲ୍ମ ଫେସଟିଭାଲ ଅଫ ଇଣ୍ଡିଆ ୨୦୨୦’ରେ ପ୍ରଦର୍ଶିତ କରାଯିବ ।