ମୁମ୍ବାଇ, ବଲିଉଡ ଅଭିନେତ୍ରୀ ତଥା ବିଗବସ-୭ର ବିଜେତା ଗୌହର ଖାନଙ୍କ ବିରୋଧରେ ମାମଲା ରୁଜୁ ହୋଇଛି। ମାମଲା ରୁଜୁ କରିଛି ବ୍ରିହାନମୁମ୍ବାଇ ମହାନଗର ନିଗମ (ବିଏମସି) । ଏନେଇ ବିଏମସିର ଅଫିସିଆଲ ଟ୍ୱିଟର ହ୍ୟାଣ୍ଡେଲରୁ ଏହି ସୂଚନା ମିଳିଛି ।
ଅଭିଯୋଗର କାରଣ ହେଉଛି କରୋନା ନିୟମର ଉଲଘଂନ । କରୋନାର ଦ୍ୱିତୀୟ ଲହର ସଂକ୍ରମଣ ଆଶଙ୍କା ବଢ଼ୁଥିବା ବେଳେ ଗୌହର ଖାନ କରୋନା ସକରାତ୍ମକ ଚିହ୍ନଟ ସତ୍ତ୍ୱେ କରୋନା ନିୟମର ଉଲଘଂନ କରି ଫିଲ୍ମ ଶୁଟିଂ କରୁଛନ୍ତି ।
ତେବେ କରୋନା ପଜିଟିଭ ଚିହ୍ନଟ ସତ୍ତ୍ୱେ ଘରେ ନରହି ବାହାରେ ବୁଲୁଥିବା ଅଭିଯୋଗ କରିଛି ବିଏମସି । ଅଭିନେତ୍ରୀଙ୍କ ନାମରେ ଏକ ଏଫଆଇଆର ମଧ୍ୟ ରୁଜୁ କରିଛି ବିଏମସି । ଏହି ଏଫଆଇଆର କପିକୁ ବିଏମସି ନିଜ ଟ୍ୱିଟର ହ୍ୟାଣ୍ଡେଲରେ ଶେୟାର କରିଛି ।