ରାଜନୀତିକୁ ନା କଲେ ରଜନୀକାନ୍ତ!

ନୂଆଦିଲ୍ଲୀ, ସାଉଥ ସୁପରଷ୍ଟାର ତଥା ରାଜନେତା ରଜନୀକାନ୍ତ ସ୍ୱାସ୍ଥ୍ୟଗତ ସମସ୍ୟା କାରଣରୁ ରାଜନୀତିରେ ପ୍ରବେଶ କରିବେ ନାହିଁ । ଏଭଳି ଘୋଷଣା ଆଉ କେହି ନୁହେଁ, ସେ ନିଜେ କରିଛନ୍ତି । ସୂଚନା ଥାଉକି, କିଛିଦିନ ତଳେ ରଜନୀକାନ୍ତଙ୍କ ସ୍ୱାସ୍ଥ୍ୟଅବସ୍ଥା ବିଗିଡ଼ି ଯାଇଥିଲା । ଫିଲ୍ମ ‘ଆନାଥେ’ର ସୁଟିଂ ସମୟରେ ତାଙ୍କ ଶରୀର ଅସୁସ୍ଥ ହୋଇଥିଲା । ଚିକିତ୍ସା ନିମନ୍ତେ ତାଙ୍କୁ ହାଇଦ୍ରାବାଦ ସ୍ଥିତ ଆପୋଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ତେଣୁ ଆଜି ସେ ଘୋଷଣା କରିଛନ୍ତି ଯେ, ରାଜନୀତିରେ ପ୍ରବେଶ କରିବେ ନାହିଁ । ଏଭଳି ଘୋଷଣା ପରେ, ଆଗ୍ରହ ସହକାରେ ଅପେକ୍ଷାରତ ଥିବା ଫାନ୍ସମାନଙ୍କ ମନ ଟିକେ ମଳିନ ପଡ଼ିଯାଇଛି ।