ନୂଆଦିଲ୍ଲୀ, ସୋସିଆଲ ମିଡିଆ ହେଉଛି ଏମିତି ଏକ ପ୍ଳାଟଫର୍ମ ବା ମାଧ୍ୟମ ଯାହା ଜଣେ ସାଧାରଣ ବ୍ୟକ୍ତି କୁ ରାତାରାତି ଷ୍ଟାର ବନେଇଦିଏ । ଏହାର ଅନେକ ଉଦାହରଣ ନଜିର ରହିଛି । ଯେମିତି କି ସେ ରାନୁ ମଣ୍ଡଳ କଥା ହେଉ ବା ଓଡିଶାର କୋରାପୁଟ ଜିଲ୍ଳାର ଝିଅ ନମିତା ହୁଅନ୍ତୁ । ସେ ଭଳି ଏବେ ସୋସିଆଲ ମିଡିଆର ଚର୍ଚ୍ଚାରେ ଅଛନ୍ତି ଜଣେ ୮୦ ବର୍ଷର ବୃଦ୍ଧ ବ୍ୟକ୍ତି । ସୋସିଆଲ ମିଡିଆରେ ତାଙ୍କର ଏକ ଭିଡିଓ ଭାଇରାଲ ହେବାପରେ ଦେଖୁ ଦେଖୁ ତାଙ୍କ ଦୋକାନରେ ଲୋକ ଖାଇବା ପାଇଁ ଭିଡ ଜମେଇ ଦେଇଛନ୍ତି । ସାଧାରଣ ଲୋକଙ୍କଠାରୁ ନେଇ ବଡ ବଡ ବ୍ୟକ୍ତି ମଧ୍ୟ ତାଙ୍କର ସାହାର୍ଯ୍ୟ କରିବାକୁ ଆଗକୁ ଆସିଛନ୍ତି ଏବଂ ଅନ୍ୟମାନଙ୍କୁ ମଧ୍ୟ କହୁଛନ୍ତି ତାଙ୍କର ସାହାର୍ଯ୍ୟ କରିବାକୁ । ଟ୍ୱିଟରରେ ହାସଟ୍ୟାଗ୍ ବାବାକାଢ଼ାବା ଟ୍ରେଣ୍ଡ ହେଉଛି । ବଲିଉଡ ସେଲିବ୍ରିଟି ମଧ୍ୟ ତାଙ୍କୁ ସାହାର୍ଯ୍ୟ କରିବା ପାଇଁ ଆଗେଇ ଆସିଲେଣି । ଅଭିନେତ୍ରୀ ରବିନା ଟଣ୍ଡନ ଏହି ପ୍ରସ୍ତାବ ମଧ୍ୟ ଦେଇଛନ୍ତି ଯେ, ଯେଉଁମାନେ ଏହି ବୃଦ୍ଧ ଦମ୍ପତ୍ତିଙ୍କ ଦୋକାନକୁ ଯାଇ ଖାଇବା ଖାଇ ଫଟୋ ଉଠାଇ ତାଙ୍କୁ ପଠାଇବେ, ପରମୁହୂର୍ତ୍ତରେ ସେହି ଫଟୋଟିକୁ ସେ ତାଙ୍କ ସୋସିଆଲ ଆକାଉଣ୍ଟରେ ମଧ୍ୟ ସେୟାର କରିବେ ।