ସହିଦଙ୍କ ପରିବାରକୁ ଅନୁକମ୍ପା

ବିଜାପୁର, ଛତିଶଗଡ଼ର ବିଜାପୁରରେ ହୋଇଥିବା ସୁରକ୍ଷା ବାହିନୀ-ନକ୍ସଲ ଏନକାଉଣ୍ଟରରେ ୨୨ ଜଣ ଯବାନ ସହିଦ ହୋଇଥିଲେ । ଏନକାଉଣ୍ଟରରେ ସହିଦ ହୋଇଥିବା ପୋଲିସ ଅଧିକାରୀ ଓ ଯବାନମାନଙ୍କ ପରିବାରକୁ ୮୦ ଲକ୍ଷ ଟଙ୍କା ଲେଖାଏଁ ଆର୍ଥିକ ସହାୟତା ପ୍ରଦାନ କରାଯିବ । ପରିବାରର ଜଣେ ସଦସ୍ୟଙ୍କୁ ଅନୁକମ୍ପାମୂଳକ ଚାକିରି ମଧ୍ୟ ଦିଆଯିବ । ନିଯୁକ୍ତି ପ୍ରକ୍ରିୟା ତୁରନ୍ତ ସାରିବାକୁ ମୁଖ୍ୟମନ୍ତ୍ରୀ ଭୂପେଶ ବଘେଲ ନିର୍ଦ୍ଦେଶ ଦେଇଛନ୍ତି ।
ସୂଚନାଯୋଗ୍ୟ, ବିଜାପୁର-ସୁକମା ଜିଲ୍ଲାର ସୀମାରେ ଗତ ଶନିବାର ନକ୍ସଲ ଆକ୍ରମଣରେ ୨୨ ଜଣ ଯବାନ ସହିଦ ହୋଇଥିଲେ । ଆକ୍ରମଣରେ ୩୧ ଜଣ ଯବାନ ଗୁରୁତର ହୋଇଥିଲେ ।